Byavuzwe ko Ingabo za FARDC n’abambari babo barimo FDLR , Nyatura na bacanshuro ko bategewe ambushe mugace ko mu Bwiza maze abenshi muri bo bakahasiga ubuzima ,Intwaro nyinshi zirafatwa abandi barahunga. Mu gihe uruhande rwa Leta rwo ruvuga ko ruhagaze neza ku rugamba.
Minembwe Capital News yabwiwe ko muriyo ambushe yabaye kuri uyu wa Gatatu, tariki 11/10/2023, uyu mutwe wa M23 wahatsinze Ignace warukuriye umutwe w’itwaje Imbunda wa Nyatura, nyuma y’iminsi mike yigambye ko nta mututsi uzongera kurangwa muri RDC mu gihe cose azaba ariho.
Nyatura ni umwe mu mitwe yitwaje imbunda imaze igihe ifasha Ingabo za RDC (FARDC) mu ntambara zihanganyemo na M23.
Amakuru yizewe Minembwe Capital News ikesha abari i Masisi avuga ko uriya Gen wa Nyatura yicanwe n’abandi barwanyi benshi b’uriya mutwe, barimo n’abari bashinzwe kumurinda.
Uyu mugabo yishwe mu gihe mu Cyumweru gishize yumvikanye yigamba ko azarambika imbunda hasi nta mututsi ukirangwa muri RDC.
Ubwo yari mu centre y’ahitwa Kibarizo FARDC n’imitwe bakorana bari bamaze gufata, yumvikanye agira ati: “Turi muri Kibarizo ejo tuzaba turi muri Kitshanga. Tuzakomeza kwirukana M23. Ntituzigera dushira imbunda hasi kugeza igihe abanzi bacu, Abatutsi bazasubirira mu Rwanda.
By Bruce Bahanda.
