Muri Kivu y’Amajyaruguru, a Wazalendo, n’abagize Sosiyete Sivile, bakoze imyigaragambyo maze baja mu mihanda ya Goma, kuri uyu wa Gatatu, tariki ya 18/10/2023. Nk’uko babivuze, intego y’iyi myigaragambyo ngo ni ugusaba ko ingabo z’Afrika y’iburasizuba (EACRF) ziri m’ubutumwa bw’amahoro M’uburasirazuba bwa RDC zava muri Congo Kinshasa vuba zigasubira iwabo.
Aba bavuga ko izo ngabo z’umuryango wa EAC, zikorana byahafi n’inyeshamba za M23.
Uwitwa Theoneste Bahati, uri mubateguye iyo myigaragambyo, yasobanuye ko hari ibimenyetso simusiga byemeza ko EACRF ikorana naziriya Nyeshamba.
Ati: “Dufite ibimenyetso byerekana ko ingabo za EAC zifatanya n’inyeshyamba za M23.”
Yakomeje agira ati: “EACRF, iyo itaja gushigikira M23, Wazalendo, baba barafashe Rutsuru yose n’ahandi hakiri mu maboko ya M23. Turashaka ko izo ngabo zahita ziva ku butaka bwacu.”
Umuryango LUCHA, uharanira impinduka muri RDC, nawo utanga i cyerekezo kimwe n’aba bari mu myigaragambyo, aho wavuze ko utazahwema kurwana uru rugamba.
Ati: “Niba leta ya Congo ivuga ko ingabo za EAC zizahaguruka mu kwezi kwa 12, ntitubyemera. Ntushobora kureka inzoka iba munzu yawe mugihe uzi ko ishobora gukoma abana bawe. Imbaraga za EAC ziraturwanya kandi nibyo. Zigomba kugenda.”
Minembwe Capital News, yabwiwe ko, imyigaragambyo yabereye neza muri ibi bice “Yahereye i Kihisi, muri Quartier ya Majengo, mu majyaruguru y’u Mujyi wa Goma.”
Ay’amakuru akomeza avuga ko abantu batatu(3) mu bigaragambyaga batawe muri yombi. Abandi bigaragambyaga berekeje mugace ka Himbi. Bahavuye, berekeza mu nzu ndangamurage, ku biro bya Guverineri w’i Ntara kugira ngo batangaze ibiri mu nyandiko zabo.
Harandi makuru avuga ko, indi myigaragambyo yamaze gutegurwa kw’izabera mu Mujyi wa Goma hagati, tariki 19/10/2023, aho bazakomeza kwamagana ingabo z’umuryango wa Afrika y’iburasirazuba (EACRF) nogusaba ko bava muri RDC.
By Bruce Bahanda.