Abasirikare babiri ba Fardc, batawe muriyombi, i Goma, bazira guteza umutekano muke muri ibyo bice.
Ni nyuma y’uko abo basirikare barashe amasasu menshi mu ijoro ryo ku wa Gatanu, rishira kuri uyu wa Gatandatu.
Umuvugizi w’igisirikare cya Repubulika ya demokarasi ya Congo, mu Ntara ya Kivu y’Amajyaruguru, Lt Colonel Ndjike Kaiko Guillaume yemeje ay’amakuru avuga ko abo basirikare baraye bateje umutekano muke bahagaritswe n’inzego zishinzwe umutekano, i Goma, k’u murwa mukuru w’i Ntara ya Kivu y’Amajyaruguru.
Uy’u muvugizi w’igisirikare cya FARDC, akavuga ko bahagaritswe kumpamvu zo kurasa amasasu buzira impamvu, ko kandi bayarasiye hafi n’ikibuga cy’Indege cya Goma.
Akavuga kandi ko kugira bariya basirikare barase hari habaye ukutumvikana hagati yabo bikabaviramo kurasagura.
Lt Col Ndjike Kaiko Guillaume, yakomeje avuga ko bagiye koherezwa i Kinshasa, gufungirwa yo.
Yagize ati: “Abasirikare barashe, twabafashe. Haribyo tubashinja, kandi bashobora koherezwa i Kinshasa.”
Bamwe mu baturage baturiye i Goma, bavuganye na Minembwe Capital News, igihe c’isaha z’igicamunsi bavuga ko mu ijoro ryakeye humvikanye urusaku rw’imbunda, ariko bakaba batazi ibyayo.
Banavuze ko bakeka ko ayo masasu yoba yararashwe n’abasirikare bikanze. Ibi bikaba atari igicitsi ku ngabo za RDC kuko bahora bikanga bigateza umutekano mu mu baturage.
MCN.