Abanyeshuri b’Abanyamulenge biga ku mashuri ya kaminuza i Bukavu ku murwa mukuru w’i Ntara ya Kivu y’Amajy’epfo, bateguye ikiganiro cy’amahoro.
Ni ikiganiro kiri butangire isaha ya saa tanu z’igitondo cyo kuri uyu wa Gatanu, tariki ya 12/04/2024, nk’uko bamwe muri abo Banyeshuri ba bwiye Minembwe Capital News.
Bavuze ko Abanyeshuri b’Abanyamulenge biga i Bukavu, basanzwe bagira ubuyobozi bwabo buhurira ku izina rya “Humura,” ndetse bakaba bafite n’ubundi buyobozi bahuriyeho n’abayandi moko nk’Ababembe n’Abapfulero (Mutuelle des étudiants Banyamulenge Ensemble avec l’unio National des étudiants Fuliru et la famille estudiantine M’bondo).
Bakomeje bavuga ko ikiganiro cyabo kiribuze kubera muri Salle ya Rio, iherereye Nguba, mu mujyi wa Bukavu.
Iki kiganiro kikaba cyaratumiwemo abatumirwa babiri Prof Pierrot Chambu (uvuka mu bwoko bw’Abashi) na bwana Tùbúcwe Erzone(uvuka mu bwoko bw’Ababembe).
Iki kiganiro cy’Abanyeshuli b’Abanyamulenge kikaba gifite insanganya matsiko igira iti: “Guhuza mu mahoro no guhuriza hamwe.”
Iki kiganiro kikazaba kiyobowe n’umwe muri aba bayobozi b’Abanyeshuli, b’Abanyamulenge, uzwi kw’izina rya Dr Gentil.
Minembwe Capital News yabwiwe ko iki kiganiro ari ngaruka mwaka, ko kandi buri muyobozi ayobora manda y’u mwaka umwe gusa. Kuri ubu uyoboye Abanyeshuri b’Abanyamulenge, yitwa Muchuranyana Pilote.
MCN.