Intambara iremereye yongeye kubura kuri uyu wa Gatanu, tariki ya 12/04/2024 hagati ya M23 n’ihuriro ry’Ingabo za Guverinoma ya Repubulika ya demokarasi ya Congo, mu bice byo muri teritware ya Masisi, mu Ntara ya Kivu y’Amajyaruguru.
Ni ahagana isaha ya saa tunu zo kuri uyu wa Gatanu, hongeye kuba urugamba rukaze, rukaba rurimo kubera muri axe ya Bwerimana, muri Grupema ya Mupfunyi/Shanga, teritware ya Masisi, nk’uko amakuru ava muri ibyo bice abivuga.
Bivugwa ko imbunda ziremereye n’izito zirimo kumvikanira neza ku misozi ya Ndumba na Kasingamutwe, ibi bice bikaba by’unamiye muri centre ya Ishasha.
Amakuru yizewe Minembwe Capital News ikesha abaturage baturiye ibyo bice bahamya neza ko M23 ikomeje gusubiza inyuma abarwana ku ruhande rwa leta ya perezida Félix Tshisekedi. Ndetse aya makuru avuga ko umusozi wa Ndumba umaze kwigarurirwa na barwanyi buyu mutwe w’i ngabo ziyobowe na Gen Sultan Makenga.
Iyi mirwano ibaye mu gihe ku munsi w’ejo hari hiriwe ituze mu bice byose byari bikunze kuberamo urugamba.
Bitandukanye no ku wa Gatatu w’iki Cyumweru, kuko habaye urugamba rukomeye rubereye mu bice byo muri teritware ya Masisi. Urugamba rwasize M23 y’igaruriye utundi duce two muri Grupema ya Matanda, nka hitwa Nyakajaga no Kunteko.
MCN.
