Mu minsi ibiri gusa, M23 imaze kwambura ihuriro ry’Ingabo z’ubutegetsi bwa Kinshasa ibice byinshi birimo na centre zingenzi mu Ntara ya Kivu y’Amajyaruguru.
Ni mu mirwano yagaragaye ko ikaze, nyuma y’uko M23 ifashe agace ka Rubaya kazwiho ubutunzi kamere bw’amabuye y’agaciro, ka fashwe ku mugoroba wo ku wa Gatatu, tariki ya 30/04/2024.
Ku munsi wakurikiyeho, ariho ku munsi w’ejo hashize M23 yahise yirukana ingabo zo ku ruhande rwa leta ya Kinshasa, mu bice birimo Mululu, Runigi, Kanyenzuki, Matanda, Bihambwe, Humure na centre ya Ngungu.
Uyu munsi ho, imirwano yaje kuba igihe c’isaha z’igicamunsi, aho ihuriro ry’Ingabo za Guverinoma ya Kinshasa zagabye ibitero kuri M23 mu nkengero za Ngungu na Murambi, maze birangira iri huriro riyabangiye ingata, abandi nabo babirukaho ari nako M23 igenda ifata ibindi bice.
Minembwe Capital News yabwiwe ko kuri uyu wa Kane, tariki ya 02/05/2024, M23 yafashe Murambi, Kasake, Rwagara no mu bindi bice bigana i Kalehe mu Ntara ya Kivu y’Amajyepfo.
Kugeza ay’amasaha ihuriro ry’Ingabo z’ubutegetsi bwa Kinshasa zari zikirimo zihunga zerekeza muri Kivu y’Amajy’epfo.
Ku rundi ruhande herekanwe urupapuro rwatawe mu mirwano, rwanditseho abasirikare ba leta ya Kinshasa bamaze kugwa muri uru rugamba rw’iminsi ibiri, nk’uko byatangajwe n’urubuga rwa Vive.
Inyandiko ziri kuri urwo rupapuro, zigaragaza ko FARDC imaze gutakaza abasirikare 67, Abarundi 37 mu gihe Wazalendo bo, ari 47.
Tubibutsa ko teritware ya Masisi na Rutshuru bisigaranye ibice bike, kugira ngo ubutaka bwizo teritware bwigarurirwe na M23.
MCN.