Abategetsi ba Repubulika ya demokarasi ya Congo baganiriye na ba Kenya bashinja guha urubuga ihuriro ry’imitwe ya politiki n’igisirikare rya Alliance Fleuve Congo.
Ni minisitiri w’u banye n’amahanga wa Kenya, Musalia Mudavadi wagiranye ikiganiro na mugenzi we wa Repubulika ya demokarasi ya Congo, Christophe Lutundula.
Ibi biganiro babigiranye ubwo minisitiri w’u banye n’amahanga wa Kenya, Musalia Mudavadi yari yagiriye uruzinduko i Kinshasa, nyuma y’uko sosiyete y’Abanyakenya ikora ubwikorezi bwo mu kirere, Kenya Airways yari yasubukuye ingendo, ni mu gihe abakozi bayo bari barekurwe n’igisirikare cya RDC; aho bari baratawe muri yombi n’iki gisirikare.
Muri uru ruzinduko, Musali yahuye n’abayobozi bo muri leta ya perezida Félix Tshisekedi baganira ku ngingo zitandukanye, cyane cyane izirebana n’intambara iri mu Burasirazuba bw’iki gihugu, n’uruhare Kenya yagize mu guhuza impande zihanganye.
Kuri AFC, Christophe Lutundula yagaragarije Musalia ko leta ya Kinshasa yababajwe no kuba iri huriro ryarashingiwe muri Kenya, nawe amusobanurira ko ubuyobozi bw’i gihugu cyabo bwa babajwe no kubona iki gikorwa kibera i Nairobi.
Yagize ati: “Ubwo ibi byabaga, natwe twarababaye. Twizeye ko mu gihe kizaza bitazasubira.”
Ubwo iri huriro rya AFC ryashingwaga ubutegetsi bwa Kinshasa bubinyujije kuri minisitiri w’u banye n’amahanga wayo, bwasabye minisitiri w’u banye n’amahanga wa Kenya gutanga ibisobanuro ku ihuriro rirwanya leta ya perezida Félix Tshisekedi ryashingiwe i Nairobi no gukurikirana ibyaryo, gusa perezida wa Kenya William Ruto icyo gihe yabiteye utwatsi.
Lutundula kandi yagaragaje ko igihugu nka Kenya guhuriye na RDC mu muryango wa Afrika y’iburasizuba, EAC, kitakabaye cyemera ko ishingwa ry’ihuriro rirwanya ubutegetsi rigitangarizwamo, ko ahubwo cyakabaye kinakurikirana abarigize.
Yatanze urugero kuri Kenya, agaragaza ko hari igitotsi kiri mu mubano w’ibihugu bigize uyu muryango, kandi ko kudafatanya mu gukurikirana abantu nk’aba bisa n’ubufatanyacyaha.
Kimweho RDC iri gukorana byahafi n’ibihugu byo mu karere mu guhungana n’ihuriro rya AFC/M23. Hashingiwe ku masezerano ifitanye n’u Burundi, ingabo z’ibihugu byombi ziri ku rugamba rwo kurwanya uyu mutwe.
MCN.