I Kinshasa ku murwa mukuru w’igihugu cya Repubulika ya demokarasi ya Congo, umutekano wa hungabanyijwe ku buryo bukaze kuri iki Cyumweru.

I Kinshasa ku murwa mukuru w’igihugu cya Repubulika ya demokarasi ya Congo umutekano ukomeje guhungabanywa n’abantu bitwaje intwaro.

Ni uguhera amasaha y’urukerera rw’iri joro ryaraye rikeye rishira kuri uyu wo ku Cyumweru, nibwo abantu bitwaje imbunda bagabye igitero ku rugo rwa Vital Kamerhe, ushobora kuzaba perezida w’inteko ishinga amategeko, nk’uko iy’inkuru tuyikesha Top FM Congo.

Yatangaje ko ku rugo rwa Vital Kamerhe, ko rw’ibasiriwe n’abantu benshi, kandi baza bitwaje intwaro zirimo iza gakondo n’imbunda.

Mu kugaba icyo gitero, bakoresheje amayeri yo kubanza kuzenguruka urugo rwa Vital Kamerhe, nyuma bamwe muri aba bagabye iki gitero binjira mu nzu imbere.

Nta byangirijwe iki Kinyamakuru dukesha iy’i nkuru cyatangaje, gusa kivuga ko bamwe mu bagabye icyo gitero ko batawe muri yombi.

Cyanagaragaje amashusho yabatawe muri yombi aho bagaragajwe bambaye imyenda ya gisivile abandi ndetse batambaye imyenda mu gatuza ariko bambaye ipantalo.

Muri aya mashusho ubona harimo n’abigitsina gore.

Nyuma y’ubwo hongeye kwiyerekana irinditsinda ry’abantu bitwaje intwaro, rifashe ibendera ryahoze ari rya Zaïre. Iri tsinda ryagaragariye muri Quartier ya Gombe ho muri Kinshasa, kandi abari barigize bari bambaye imyambaro y’igisirikare, ndetse bagendaga bafatiye iri bendera hejuru, mu rwego rwo kugira ngo rigaragarire bose. Aba bo banashwanyaguje ibendera rya RDC, ndetse bagira naho basenya ku nyubako yu mukuru w’igihugu cya Repubulika ya demokarasi ya Congo.

Ibi byatumye umutekano uzamba muri Kinshasa; byanatumye abashinzwe umutekano bagira ibice bimwe bafunga harimo n’imihanda itakiri nyabagendwa ngo ibe yacamo abagenzi.

Ibyo bibaye nyuma y’umunsi umwe gusa, ubwo abagize ihuriro ry’ishyaka rya Union sacrée, rishigikiye perezida Félix Tshisekedi, rikoze inama yogutora perezida uzayobora inteko ishinga amategeko y’umutwe wa badepite na sena; irangira ibayemo imvururu zikomeye, ndetse iy’i nama baza no kuyitukaniramo, kandi bikorerwa imbere ya perezida Félix Tshisekedi, kugeza aho inama isubikwa bitegekwa ko izongera guterana.

Mu batukanye harimo Justin Bitakwira udashigikiye Christophe Mbosso ko yatorerwa kuyobora uyu mwanya.

Yavuze ko kongera kugarura Christophe Mbosso ku buyobozi bw’u mutwe wa badepite, byarutwa n’uko icyorezo cya COVID-19 cyagaruka, mu gihugu.

               MCN.