Ubutegetsi bwa Repubulika ya demokarasi ya Congo bugiye ku buranisha Corneille Nangaa.
Ni leta ya perezida Félix Tshisekedi yafashe icyemezo cyo kuburanisha bwana Corneille Nangaa usanzwe ari umuhuzabikorwa w’ihuriro ry’imitwe ya politiki n’igisirikare rya AFC.
Ibi byasohotse mu itangazo rya minisiteri y’ubutabera ya Congo Kinshasa, ryashizwe hanze tariki ya 22/07/2024.
Kandi ibyasohotse muri iryo tangazo bivuga ko atari Nangaa wenyine uzaburanishwa ko hubwo harimo n’abandi bategetsi bo muri M23.
Ibyaha baregwa birimo ibikorwa by’iterabwoba, ibyaha by’intambara ndetse n’ubugambanyi bwo mu bwoko bwo hejuru.
Ibyaha bashinjwa, bavuga ko babikoreye mu Ntara ya Kivu y’Amajyaruguru, ahagize igihe habera intambara ikomeye hagati ya M23 n’ihuriro ry’Ingabo zirwana ku ruhande rwa leta ya Kinshasa.
Biteganijwe ko Nangaa n’abagenzi be bagomba kuburanishwa badahari.
Ahagana mu kwezi kwa Cumi n’abiri umwaka ushize, nibwo Nangaa yashinze ihuriro ry’imitwe ya politiki n’igisirikare rya AFC ribarizwamo na M23.
Iri huriro ryashingiwe i Nairobi mu gihugu cya Kenya, banasobanura ko intego nyamukuru yaryo ari ugukuraho ubutegetsi bwa perezida Félix Tshisekedi.
MCN
