Umutwe wa M23 urwanya ubutegetsi bwa Kinshasa wafashe uduce twingenzi.
Ni kuri uyu wa Gatanu tariki ya 02/08/2024, hafashwe uduce twingenzi, aho twigaruriwe n’ingabo ziyobowe na Gen Sultan Makenga two muri teritware ya Rutshuru mu Ntara ya Kivu y’Amajyaruguru ho mu Burasirazuba bwa Repubulika ya demokarasi ya Congo, nk’uko amakuru ava muri ibyo abivuga.
Iy’imirwano M23 yafashemo uduce tubiri two muri Grupema ya Binza, amakuru agera kuri Minembwe Capital News avuga ko yatangiye igihe c’isaha z’igitondo cyakare kandi ko yumvikanyemo imbunda ziremereye n’izito.
Yari imirwano byaje kurangira n’ubundi utu duce twarimo tuberamo imirwano tuvuye mu maboko y’ingabo zirwana ku ruhande rwa leta ya Kinshasa.
Utwo duce hari akitwa Kingunga na ka Localité ya Kisengero, tukaba duherereye mu ntera y’ibirometro 16 uvuye mu mujyi wa Kiwanja wo ugize igihe ugenzurwa n’uyu mutwe wa M23.
Utu duce dufashwe mu gihe i Luanda muri Angola hari ibiganiro byahuje intumwa z’u Rwanda n’iza Repubulika ya demokarasi ya Congo. Ibi biganiro bikaba byarafatiwemo imyanzuro yuko impande zihanganye mu Burasirazuba bwa RDC zihagarika imirwano kandi uwo mwanzuro ukazatangira kubahirizwa tariki ya 04/08/2024.
Kimweho uruhande rwa m23 rwatanze itangazo kuri uyu wa Kane ruvuga ko ibyavugiwe i Luanda bitabareba, ngo kuko batari batumiwe muri ibyo biganiro.
Hagati aho, kurebana ayingwe kw’Ingabo za leta ya Kinshasa na M23 bikomeje gufata indi ntera, bitandukanye kure n’ibyabereye i Luanda mu biganiro byamaze iminsi itatu aho byatangiye tariki ya 30/07/2024 bikarangira tariki ya 02/08/2024.
MCN.
