Havuzwe ibyashikiye perezida Félix Tshisekedi aho yari arwariye i Bruxelles mu Bubiligi.
Amakuru yamaze gushirwa hanze n’ibiro by’uyu mukuru w’igihugu cya Repubulika ya demokarasi ya Congo, Félix Tshisekedi avuga ko yabazwe muri iy’i minsi yari amaze arwariye mu Bubiligi ariko ko yakize.
Nk’uko ibi biro bya perezida wa RDC bivuga n’uko perezida Félix Tshisekedi yabazwe kandi ko yabazwe ingasire z’urutirigongo.
Mbere amakuru yabanje kuvugwa ko perezida Félix Tshisekedi arwaye umutima, ariko nyuma yaho byasubiye kuvugwa ko arwaye kanseri, nk’uko byavugwa ko ibyo byatangajwe n’umwe mu basirikare bashinzwe ku murinda.
Ubu rero ho, ibiro bya Tshisekedi byavuzwe ko yabazwe ingasire z’urutirigongo kandi ko yamaze koroherwa.
Aya makuru anavuga ko kuri ubu uyu mukuru w’igihugu yerekeje i Kinshasa nyuma yaho akiriye akaba yaranatanze ikiganiro ku munsi w’ejo hashize muri ambasade ya Congo iri mu Bubiligi.
Muri iki kiganiro niho yongeye kumvikana avuga ko nta munsi n’umwe azigera aganira n’umutwe wa m23 ndetse kandi avuga ko u Rwanda ari rwo ruri gusaba kumvikana n’iki gihugu cya RDC ku kurangiza intambara ibera mu Ntara ya Kivu Yaruguru.
Yagize ati: “Nta bwo nzigera nganira n’umutwe wa m23. Oya ntibizabaho.”
Tshisekedi usibye gutangaza ko u Rwanda rumusaba kugirana ibiganiro nawe, yanavuze kandi ko Perezida w’u Rwanda ari umwicanyi.
Yagize: “Perezida w’u Rwanda Paul Kagame niwe uri gusaba ibiganiro kuri leta yanjye, ariko ni umwicanyi.”
Kubyerekeye ibi, umuvugizi wa Tshisekedi ari we Tina Salama, we akoresheje urubuga rwe rwa x, yavuze ko perezida wabo yakize kandi ko yerekeza i Kinshasa ngwaho ari buyobore inama idasanzwe y’abaminisitiri.
Ati: “Perezida wa Repubulika ya demokarasi ya Congo, ameze neza kuri ubu kandi biteganijwe ko ari buze kuyobora inama idasanzwe y’abaminisitiri i Kinshasa.”
Ibyo bibaye mu gihe imirwano yongeye gukara mu Burasirazuba bwa Repubulika ya demokarasi ya Congo, kandi umutwe wa m23 ukaba wongeye kugira uduce twingenzi wigarurira, turimo Ishasha, Nyamilima n’ibindi bice byo muri Grupema ya Binza.
MCN.