Ingabo za FARDC mu Minembwe zongeye gutera impagarara mu Banyamulenge nyuma yo gufunga abatware babo.
Ni Chef Bikino na Gapita Rutegeranya bafunzwe n’ingabo za Republika ya Demokarasi ya Congo mu Minembwe, aho bafunzwe bazira kuvugira ubwoko bwabo.
Amakuru agera kuri Minembwe Capital News avuga ko kuri ubu Chef Bikino Mitabu ari nawe Chef wa Localite ya Ilundu yafashwe ku mugoroba w’ejo hashize nyuma y’uko yari yagiye kuvugira Gapita Rutegeranya wafunzwe ku wa Gatatu.
Aba bombi bakaba bafungiwe mu Minembwe centre ahari i kasho yicicaro gikuru cya brigade y’iz’i ngabo za FARDC.
Bwana Rutegeranya niwe Gapita w’umuhana wa Kiziba, nk’uko aya makuru abivuga n’uko i Cyumweru gishize ari bwo abaturage baturiye umuhana wa Kiziba bafashe umusirikare wa FARDC warimo unyaga abaturage ibyabo birimo amafaranga, ibirato bya bote na matelefone ari nabwo aba baturage bahise bamwaka imbunda.
Nyuma y’uko uwo musirikare yari amaze kwakwa imbunda, abaturage batanze ayo makuru ku musirikare mukuru ureba FARDC mu Minembwe, ariko icyatunguye aba baturage n’uko muri iki gitondo cyo kuri uyu wa Gatanu FARDC yazindutse ikora umukwabo wo gufunga aba bachefs barimo Bikino na Rutegeranya.
Hagati aho, abaturage n’ubundi babwiye Minembwe Capital News ko muri aka gace hari umwuka mubi hagati y’Ingabo za leta ya Kinshasa n’abaturage bo mu bwoko bw’Abanyamulenge ahanini kuri Twirwaneho.
Kandi ko ibi bimaze igihe, ndetse ababwiye Minembwe Capital News bavuze ko isaha iyari yo yose hashobora kwaduka intambara.
Ati: “Gusa, hari umwuka mubi. Ndatekereza ko habuze gusa nk’umunsi ariko intambara yo irahari hagati ya baturage n’ingabo za RDC.”
MCN.