Hamenyekanye ibindi bishya ku kwiyamamaza kwa Harris Kamala na Donald Trump muri Amerika.
Harris Kamala wo mu ishyaka ry’Abademocrate na Donald Trump uturuka mu ishyaka ry’Abarepubulikeni bari guhatanira muri leta ya Pennsylvania, leta ifatwa nk’ikomeye gusumba izindi.
Iyi ni imwe mu zifatwa nk’izisibaniro zishobora guhindura isura y’ibizava mu matora y’umukuru w’i Gihugu muri Leta Zunze Ubumwe z’Amerika.
Donald Trump ku munsi w’ejo hashize yakoresheje ibiganiro byo kwiyamamaza mu mujyi wa Wilkes-Barre uri mu majyaruguru ya leta ya Pennsylvania naho kuri iki Cyumweru Harris Kamala araza kuzenguruka iyi leta araba ari muri bisi ahereye mu mujyi wa Pittsburgh mbere y’uko inama idasanzwe y’abademocrate ku rwego rw’igihugu iterana ku wa mbere mu mujyi wa Chicago muri leta ya IIIinois.
Iyi leta ya Pennsylvania ni imwe muri leta zitatu zikomeye ku byerekeye amatora muri iki gihugu cya Leta Zunze Ubumwe z’Amerika, hiyongereyeho Wisconsin na Michigan. Akaba ari na yo yafashije Trump gutsinda amatora yo mu 2016. Bigeze mu 2020, Biden wakuriye mu mujyi wa Scranton wo muri iyi leta yashoboye kuyigarurira bimubera inkingi ikomeye yo kwinjira muri purezidansi ya leta Zunze Ubumwe z’Amerika.
Muri Leta 50 zigize Amerika, izi uko ari zitatu ni zo zonyine zitarigera zitora umukandida ku mwanya wa Perezida ngo atsindwe amatora kuva mu mwaka w’ 2008.
Mu majwi akenerwa ngo perezida abone itike yo kwinjira muri purezidansi, Pennsylvania ibarirwa 19, Michigan ikabarirwa 15 mu gihe Wisconsin yo ibarirwa 10.
MCN.