Ibitero bitoroshye namba byibasiye umurwa mukuru wa Ukraine.
Ingabo z’u Burusiya zagabye ibitero bya misile kuri Kyiv muri Ukraine, ni amakuru yemejwe n’abayobozi bo hejuru muri Ukraine aho bagaragaje ko ibyo bitero ari simusiga.
Ni ibitero byakozwe ahar’ejo tariki ya 13/11/2024, bikozwe n’ingabo z’u Burusiya zirwanira mu kirere.
Bivugwa ko iz’ingabo zabanje kuburira ko misile nyinshi zinjiye mu kirere cya Ukraine zerekeza i Kyiv ku murwa mukuru w’iki gihugu.
Amakuru avuga ko humvikanye urusaku rw’ibiturika bikomeye, nk’uko Reuters yabitangaje.
Yagize iti: “Iturika ry’ibisasu mu mujyi wa Kyiv, ntiryoroshye! Ingabo zishinzwe kurinda ikirere ziri gukora. Mu gume mu bwihisho!”
Ibi biro ntara makuru by’Abongereza byavuze ko ibyo byarimo bitangazwa n’abayobozi bo hejuru muri Ukraine.
Igisirikare cya Ukraine cyavuze ko muri ibyo bitero harimo ibya misile zarashwe n’indege zifite ndetse na misile zo mu bwoko bwa Ballistiqu.
Hagati aho, Leta Zunze Ubumwe z’Amerika zivuga ko umubare munini w’abasirikare 10.000 ba Koreya ya Ruguru boherejwe mu Burusiya kugira ngo babufashe ku rwanya Ukraine.
Amerika inahamya ko iz’ingabo za Koreya ya Ruguru ko zinjiye mu rugamba rukomeje rubera mu ntara ya Kursk mu Burusiya. Agace kari karigaruriwe n’ingabo za Ukraine.