Imwe mu ndege RDC yari yaratiriye yakoze impanuka ikomeye.
Indege iri mu zi shya Repubulika ya demokarasi ya Congo yakoreshaga, aho yari yarayitiriye mu Bufaransa, yagonze.
Congo yari yaratiriye iyi ndege kugira iyifashe kuzahura sosiyete yayo ya Congo Airways ikora ubwikorezi mu kirere.
Ahagana ku wa kabiri tariki ya 12/11/2024 ni bwo RDC yakiriye iyi ndege yo mu bwoko bwa Boing 737-800.
Amakuru avuga ko iyi ndege RDC yari yitiriye sosiyete y’indege ya Air France yo mu Bufaransa.
Nk’uko byavuzwe iyi ndege yaraye ikoze impanuka mu ijoro ryaraye rikeye rishyira kuri uyu wa kane, ni mu gihe yagonganye n’indi nini yo mu bwoko bwa A320-200 ya sosiyete ya campagnie Africaine d’Aviation (CAA).
Iyo mpanuka yabereye ku kibuga cy’indege mpuzamahanga cya Ndjili, giherereye i Kinshasa ku murwa mukuru w’i Gihugu cya Repubulika ya demokarasi ya Congo.
Amakuru akomeza avuga ko iyi ndege yangiritse ibaba ry’ibumuso, bityo ikaba igomba kubanza kongera gusanwa mbere y’uko isubira mu kazi.
Ku wa Gatanu tariki ya 15/11/2024 ni bwo Congo Airways yongeye gusubukura ibikorwa byo gutwara abantu n’ibintu mu kirere, nyuma y’igihe byarahagaze bitewe n’uko iyi sosiyete yari isigaranye indege imwe gusa.
Ibyo bibaye mu gihe Congo Airways yarisigaye ikorera ingendo mu gihugu imbere, nko mu mujyi wa Lubumbashi, Kindu, Kananga, Kisangani na Mbandaka.