FARDC yongeye kurenga ku gahenge itera M23 muri Kivu Yaruguru.
Ihuriro ry’Ingabo za Repubulika ya demokarasi ya Congo, ryongeye kugaba ibitero ku mutwe wa M23 mu gihe impande zombi zari mu gahenge nk’uko byari mu masezerano yasinyiwe i Luanda muri Angola.
Ni iyindi nshuro yo kurenga ku masezerano yo guhagarika imirwano bibaye , mu gihe kandi hari hateganyijwe ibindi biganiro i Luanda bigamije guhoshya amakimbirane hagati y’impande zihanganye mu Burasirazuba bwa RDC.
Muri ibi bitero Leta yagabye ku mutwe wa M23, yanigabye kuba byaraguyemo abarwanyi benshi bo muri uwo mutwe.
Ku ruhande rwa M23, umuvugizi wayo mu bya politiki, yatanze ubutumwa akoresheje urubuga rwa x, avuga ko M23 yatewe mu masaha y’igitondo cya kare cyo ku wa kabiri tariki ya 03/12/2024; agaragaza ko ibyo bitero byabereye mu duce two muri teritware ya Lubero mu ntara ya Kivu y’Amajyaruguru, ariko ntiyabivugaho byinshi. Gusa amakuru yakomeje gutangwa ku mbuga avuga ko M23 yigaruriye utundi duce two muri Lubero.
Mu gihe imirwano ikomeje, Leta ya Kinshasa n’umuryango w’Abibumbye, bikomeza gushinja u Rwanda gushyigikira uyu mutwe wa M23, ibyo u Rwanda rwakomeje gutera utwatsi, hubwo rukavuga ko Leta ya Kinshasa yananiwe kwikemurara ibibazo biyihanze.
U Rwanda kandi ruvu ko RDC ikorana n’umutwe witerabwoba wa FDLR urimo abasize bakoze jenoside mu Rwanda mu 1994.
Kuri izo mpamvu u Rwanda ahagana mu kwezi kwa kabiri uyu mwaka, rwatangaje ko rwakajije umutekano ku mupaka uruhuza na Congo, ruhashyira ingabo nyinshi n’imbunda zikaze.
Rwatangaje ko ibyo babikoze kubera ko Leta ya Kinshasa yarimo ikomeza kongera ingabo zayo ku mupaka uhuza ibihugu byombi.
Mu Cyumweru gishize, abaminisitiri b’ubabanye n’amahanga ba RDC n’u Rwanda bumvikanye ku bisabwa kugira ngo u Rwanda rugabanye abasirikare bayo bashyizwe hafi n’umpaka wa RDC .
Nta gihindutse aba perezida Félix Tshisekedi wa RDC na Paul Kagame w’u Rwanda bazohurira mu nama i Luanda muri Angola tariki ya 15/12/2024.