Ibiheruka gutangazwa na Gen Muhoozi, byajemo amagambo hagati ya RDC na Uganda.
Guverinoma ya Repubulika ya demokarasi ya Congo, yahamagaje ambasaderi wa Uganda i Kinshasa, imusaba gutanga ibisobanuro ku biheruka gutangazwa n’umugaba w’ingabo za Uganda, Gen Kainarugaba Muhoozi.
Ibikubiye mu itangazo Guverinoma ya Kinshasa yashyize hanze, bivuga ko ku munsi w’ejo hashize tariki ya 18/12/2024, minisitiri w’ubabanye n’amahanga wa RDC, Thérèse Kayikwamba, yakiriye mu biro bye, ambasaderi wa Uganda uri muri icyo gihugu, Matata Twaha, amusaba gutanga ibisobanuro ku magambo General Kainarugaba Muhoozi, yatangaje avuga ku bacanshuro.
Ndetse kandi iryo tangazo rya Leta ya Kinshasa rinavuga ko Kayikwamba yasabye Twaha ku mubwira uko Uganda yakiriye ibyatangajwe na Gen Kainarugaba Muhoozi, ndetse nuko umubano w’ibihugu byombi uhagaze kuri none.
Mu byo Gen Kainarugaba Muhoozi yari yatangaje, akoresheje urubuga rwa x, ariko aza kubusiba bwari ubutumwa buburira Abacanshuro b’Abazungu bafasha ingabo za RDC kurwanya umutwe wa M23 mu Burasirazuba bw’iki gihugu, ko ingabo za Uganda zizabagabaho ibitero mu mwaka w’ 2025.
Iki gihugu cya Repubulika ya demokarasi ya Congo, kikaba gisanzwe gihakana ko kidakoresha Abacanshuro mu ntambara kirimo na M23; Kivuga ko ari abalimu ba gisirikare b’ingabo zayo.
Twaha, ikiganiro yahaye itangaza makuru akimara kuva mu biro bya minisitiri w’ubabanye n’amahanga wa RDC, yagize ati: “Twumvise ibitekerezo bye. Yambwiye ko agiye kubishyira mu nyandiko abigeze kuri Leta ya Uganda, nabyemeye. Rero ndabitegereje.”
Ingabo za Uganda ziri muri RDC kuva mu mwaka w’ 2021, ni mu gihe zifatanya na FARDC ku rwanya umutwe w’iterabwoba wa ADF, ufite inkomoko muri Uganda. Mu bihe bishyize ubwo bufatanye bwagiye bugaba ibitero bikaze kuri uwo mutwe w’iterabwoba.