Israel igiye guhabwa intwaro za miliyari 8$.
Leta Zunze Ubumwe z’Amerika igiye kohereza intwaro zifite agaciro ka miliyari 8$ muri Israel, iki gikorwa perezida Joe Biden arashaka kugisoza mbere y’uko asezera muri Whaite House ni mu gihe perezida mushya Donald Trump arimo yitegurira guhabwa inshingano zo kuyobora iki gihugu.
Mu mwaka ushize wa 2024 naho Amerika yemeye kugurisha indege z’intambara n’ibindi bikoresho bya gisirikare kuri Israel, bifite agaciro ka miliyari 20 $.
Mu busanzwe Leta Zunze Ubumwe z’Amerika n’iyo itanga intwaro nyinshi muri Israel aho imaze kuyifasha kubaka ingabo zifite ubuhanga buhanitse ku Isi. Mu mwaka w’ 2019 na 2023, Amerika yahaye Israel hafi 70% by’intwaro zose iki gihugu cyaguze, ndetse nyinshi ni zo ziri kwifashishwa mu ntambara iki gihugu kirimo na Hamas muri Gaza.
Hagataho iyi ntambara ikaba imaze kugwamo abarenga ibihumbi 45, abandi barenga ibihumbi 100 barakomereka, mu gihe hejuru ya 60% by’inyubako zose zangiritse.