Lt Col.Willy Ngoma yatanze umucyo kugenzura umujyi wa Goma.
Umuvugizi w’umutwe wa m23 mu byagisirikare, Lieutenant Colonel Willy Ngoma, yatangaje ko umutwe abereye umuvugizi uri kugenzura umujyi wa Goma, aho yanashyize hanze amafoto ari kugendagenda mu mihanda y’uyu mujyi wa Goma no ku kibuga cy’indege.
Ni ibyo Willy Ngoma yatangaje kuri uyu wa kabiri tariki ya 28/01/2025, kugira ngo abeshyuze ibiri gutangazwa n’u ruhande rwa Leta ya Kinshasa, ruvuga ko rwishyubije ibice bimwe bigize uyu mujyi.
Willy Ngoma yemereye itangazamakuru ko umutwe wa m23 ugenzura ikibuga cy’indege cya Goma n’ibindi bice bigize uyu mujyi ufatwa nk’umurwa mukuru w’i ntara ya Kivu Yaruguru.
Yashyize hanze na mashusho ari kugendagenda mu mihanda y’umujyi wa Goma, aho yagaragaye ari kumwe n’abandi basirikare bo muri uyu mutwe.
Ndetse kandi aya mashusho yagaragaje arimo kwakirwa n’abaturage ibihumbi n’ibihumbi, ubona bishimiye gukora mu biganza by’abarwanyi ba m23.
Ubona hari naho Willy Ngoma yageze arapfukama ashima Imana yabahaye ubushobozi bwo kwirukana ihuriro ry’ingabo zirwana ku ruhande rwa Leta muri Goma.
Uyu mutambagiro wa Willy Ngoma, ugaragaza ko yageze no ku mupaka wa Grande Barrière uhuza u Rwanda na Congo Kinshasa.
Hagataho, mu mujyi wa Goma hara cyakomeje kumvikana udasasu tudakanganye, binavugwa ko ari m23 iri gushakisha abarwana ku ruhande rwa leta bakicyihishe mu ma Quartier.
