Iby’indwara yadutse muri RDC ikaba imaze guhitana abatari bake.
Ni indwara itaramemyekana aho imaze guhitana abarenga 50, mu majyaguru y’uburengerazuba bwa Repubulika ya demokarasi ya Congo.
Umuryango w’Abibumbye mu ishami ryawo ryita ku buzima muri Afrika, niwo watanze iyi nkuru aho wavuze ko iyo ndwara yagaragaye bwa mbere mu bana batatu bo mu duce twa ba Boloko, bari bariye uducurama, nyuma yamasaha nka 48 bahita bapfa.
Uvuga ko ibimenyetso biranga iyo ndwara, harimo guhinda umuriro mwinshi, kuruka, kuva amaraso kandi ngo akavira imbere, abenshi mu bafashwe n’iyi ndwara ngo ntibarikurenza amasaha 48 batarapfa.
Kurundi ruhande amakuru yatanzwe n’ikinyamakuru cya Washington post cyatangaje ko iyo ndwara yagaragaye bwa mbere muri RDC ku itariki ya 21/01/2025, kandi ko kugeza ubu abantu 419 bakaba bamaze kuyandura, naho abagera kuri 53 ikaba imaze kubica.
Iyo ndwara biravugwa ko iteye ubwoba, kubera ko bivugwa ko yaturutse kuri uko kurya uducurama, kandi kurya inyamanswa nk’izo muri RDC bikaba bimenyerewe.
Binavugwa ko iyo ndwara yageze no mu kandi gace ka Bomate, aho ngo yahageze ku itariki ya 19/02/2025; ibipimo byafashwe kubantu 13 bayirwaye, byoherejwe mu kigo cya “National Institute for Biomedical Research” giherereye i Kinshasa, kugira ngo bipimwe, nk’uko byemejwe na OMS.
Gusa, nyuma yo gupima, ibisubizo byagaragaje ko nta n’umwe muri abo barwayi ufite virusi zisanzwe zizwiho gutera umuriro mwinshi no kuva amaraso, nubwo hari bimwe muri ibyo bipimo byerekana ko harimo abafitemo malaria.