Umugore wari umaze imyaka 63 yaraburiwe irengero yabonetse.
Nyuma y’imyaka 63, umugore wo muri Leta Zunze ubumwe z’Amerika wari waburiwe irengero yabonetse ameze neza kandi ari muzima.
Uyu mugore yitwa Audrey Backeberg, ubwo yaburaga yari afite imyaka 20. Byavuzwe ko yari atuye mu mujyi wa Reedsburg, mbere yuko aburirwa irengero, yahavuye tariki ya 07/08/1962.
Itangazo igipolisi cyo mu gace ka Sauk, Chip Meister muri Leta Zunze ubumwe z’Amerika cyashyize hanze, cyavuze ko ibura ry’uyu mugore ritavuye ku bugizi bwa nabi hubwo ko yari amahitamo yiwe.
Igipolisi kandi kivuga ko uyu mugore yari asanzwe aba hanze ya Wisconsin, ariko nticyagira ibindi kivuga birambuye.
Bivugwa ko Wisconsin Missing Person Advocacy, ishirahamwe rishyinzwe gutabariza ababuze irengero, rivuga ko uyu mugore yari yubatse kandi ko yari afite abana babiri.
Iri shirahamwe rivuga kandi ko iminsi mike iri mbere yuko abura, uyu mugore Backeberg, ubu ufite imyaka 82. Kubura kwe byatewe nuko yari yahunze umugabo we bashakanye afite imyaka 15, amushinja ko yamukubitaga, ubundi kandi ngo akamutera ubwoba agatinya ko yamwica.
Umunsi abura yari avuye mu rugo agiye gufata umushahara we ku ruganda yari asanzwe ari umukozi warwo.
Umukozi w’uyu mugore yatanze ubuhamya avuga ko we na Backeberg bafashe imodoka berekeza i Madison, umurwa mukuru wa Wisconsin, ari naho bahise bafata indi modoka yabajanye muri Indiana.
Nyuma y’aho bahagereye uno mukozi we yashatse gusubira inyuma, ariko Backeberg aramwangira.
Igipolisi cyo mu mujyi wa Sauk cyatangaje ko kugira ngo gikore itohoza kuri uyu mugore cyafatiye ku makuru atandukanye cyagiye gihabwa, ariko ko ntacyo yabagejeho, mbere yuko basubira mu madosiye ya kera mu ntangiriro z’uyu mwaka.
Umupolisi watoye uyu mugore yabwiye ikinyamakuru cya WINS nk’uko byatangajwe na BBC dukesha iyi nkuru ko konte y’ikoranabuhanga ya mwenewabo na Backeberg ko ari yo yabaye imbarutso yo gutora aho uyu mugore yaburiye.
Uwo mupolisi yanabwiye kiriya gitangaza makuru ko yavuganye n’abashyinzwe umutekano w’aho Backeberg asanzwe aba, kandi ko yanavuganye na we ubwe kuri telephone mu mwanya ungana n’iminota 45.
Yagize ati: “Ndibaza ko yirukanywe hanyuma ariyakira , yubaka ubuzima bwiwe .”
Yakomeje abwira kiriya gitangaza makuru ati: “Yiyemera ku ngingo yiwe yafashe. Kandi ntiyicuza.”
