Iran yagabye igitero gikaze i Tel Aviv.
Igisirikare cya Iran cyongeye gukora igitero gikomeye muri Israel cyangiza ibirimo n’isoko.
Ni murukerera rwo kuri uyu wa kane tariki ya 19/06/2025, Iran yateye misile ikaze ku nyubako y’isoko iri i Tel Aviv mu murwa mukuru wa Israel irayisenya.
Ku isoko y’ubukungu bwa Israel izwi nka “stock exchange” iherereye mu mujyirwagati w’i Tel Aviv ni yo yateweho iriya misile isiga iyihinduye umuyonga.
Amashusho yagiye hanze ayigaragaza irimo gushya, urwotsi narwo ruyiturukaho rututumba mu kirere.
Iki kibaye igisasu kiri mu bikomeye Iran iteye muri Israel, nyuma y’ikindi yarashe ku munsi w’ejo ku wa gatatu kikangiza indege z’intambara za Israel, harimo na drone nini na yo yagaragaye mu mashusho irimo gushya.
Uyu munsi ni ugira karindwi intambara ikomeje kubica bigacika hagati y’ibihugu byombi, Iran na Israel.
Iran ikoze ibi mu gihe yari yatangaje ko idashobora guhagarika ibitero Israel igishishikajwe no kuyirasaho.
Hari nyuma y’aho Amerika iburiye umuyobozi mukuru w’ikirenga w’iki gihugu, Ayatollah gucya bugufi akayoboka inzira y’amahoro.
Ibitero ku mpande zombi ntibihagara, kuko n’ahar’ejo Israel yarashe ahantu 20 hakorerwa intwaro za kirimbuzi z’igisirikare cya Iran kandi irahasenyagura.
Andi makuru na none avuga ko Israel yazindutse irasa radio y’igihugu cya Iran irayisenya, nyuma y’aho ku mugoroba wo ku wakabiri yasambuye televisiyo yacyo. Gusenya itumanaho muri ibi bihugu bikomeye biri mu bintu byingenzi byibandwaho cyane mu ntamabara z’abazungu.