Nyuma y’amasaha make Gen.Muhoozi avuye i Kinshasa, yavuze kuri perezida Kagame.
Umugaba mukuru w’Ingabo za Uganda, General Kainarugaba Muhoozi akaba n’umuhungu wa perezida w’iki gihugu, Museveni, nyuma yuko avuye i Kinshasa yavuze ko abavuga ko hari ibyo atemeranya na perezida Paul Kagame w’u Rwanda, bamushakaho ibindi kandi ko azahangana nabo mupaka.
Ni byo Gen Muhoozi yatangaje muri iki gitondo cyo kuri uyu wa mbere tariki ya 23/06/2025.
Muhoozi ukunze kwita perezida w’u Rwanda, my uncle (data wacu), abinyujije ku rukuta rwa x, yagize ati: “Umuntu wese uvuga ko hari ibyo ntemeranya na Uncle wanjye nkunda Afande Kagame, ari kwirukira akaga gakomeye kuri njye. Kandi nzahangana na bo.”
Ibi yabitangaje nyuma y’aho mu mpera zakiriya cyumweru gishize yari yagiriye uruzinduko i Kinshasa ku murwa mukuru wa Repubulika ya demokarasi ya Congo.
Ni uruzinduko rwari rugamije gukomeza ubufatanye hagati y’igisirikare cya RDC n’icya Uganda kubyo kurwanya umutwe wa ADF urwanya ubutegetsi bw’i ki gihugu cya Muhoozi. ADF ifite ibirindiro muri RDC kuva mu mwaka wa 1999.
Muhoozi ni umwe mu bantu bakunze kujya batanga ibitekerezo ku ntambara imaze igihe ihanganishije igisirikare cya RDC n’umutwe wa M23, aho yakunze kugaragaza ko ashyigikiye ibitekerezo by’uyu mutwe n’impamvu urwanira, anasaba ubutegetsi bwa Congo guhagarika gukomeza gukandamiza Abanye-Congo bo mu bwoko bw’Abatutsi.
Muhoozi kandi yagiye yumvikana mu butumwa asaba ingabo za Congo kureka imikoranire n’imitwe yitwaje intwaro ya Wazalendo na FDLR. Akavuga ko uyu mutwe wa FDLR urimo abasize bakoze jenocide yakorewe Abatutsi mu Rwanda.