I Kinshasa abasirikare bakuru basabiwe gufungwa imyaka 15.
Abasirikare bakuru bakekwaho gushaka guhirika ubutegetsi bwa perezida Felix Tshisekedi, ubushinjacyaha bw’igisiriakare cy’iki gihugu bwabasabiye gufungwa imyaka 15.
Ku wa mbere tariki ya 25/08/2025, ni bwo ruriya rukiko rwasabiye bariya basirikare gufungwa imyaka 15.
Aba barimo Brig.Gen. Erickson Bakati, Lt.Col.Gervais Malaji, Major Philippe Mambolo, Lt.Kakule na Lt.David Lusenge.
Harimo kandi na Col. Andre Jean Nyenze na Col. Alphonse Kasereka, aba bombi bo ubushinjacyaha bwasabiye gufungurwa imyaka itatu kubera ko bo ngo bakoranye neza n’ubutabera.
Hari abandi basabiwe gufungurwa kubera ko ngo nta bimenyetso bigaragara bibahamya ibyaha bashinjwa.
Bivugwa ko ibirego aba basirikare bashinjwa bituruka ku mashusho yagiye hanze mu kwezi kwa kane uyu mwaka, ubwo bayafashwe bari muri hotel i Kinshasa, bavuga ko ubutegetsi buriho burangiye, ahubwo ko ari bo bafashe ubutegetsi.
Aya mashusho ni nayo yatumye batabwa muri yombi.
Bashinjwa gushaka guhirika ubutegetsi bakoresheje imbunda.
Uretse aba basirikare bahanishijwe igifungo, hari abandi basirikare bakuru bagera kuri 41 barimo bahatwa ibibazo ku buryo ingabo za RDC zitsindwa ku rugamba na AFC/M23.
