Serugaba Robert yegukanye intsinzi mu matora ya Chairman w’Impunzi muri Zone ya Bukere B
Serugaba Inege Robert yatsinze amatora yo kuba Chairman w’impunzi zo muri zone ya Bukere B, iherereye mu nkambi ya Kyaka muri Uganda. Aya matora yabaye kuri uyu wa kabiri tariki ya 17/11/2025, yitabirwa n’impunzi zitandukanye zituye muri iyo zone.
Uwari ushyigikiye Serugaba Inege Robert yabwiye Minembwe Capital News ko Serugaba yari ahanganye n’undi mukandida ukomoka mu banyekongo bavuga ururimi rw’ilingala. Uwo muturage yongeyeho ko bamwe mu banyekongo batari abanyamulenge bari bamaze iminsi bavuga ko Serugaba atazabasha gutsinda, ariko amajwi y’abaturage yerekanye ibitandukanye, maze Serugaba yigarurira intsinzi.
Serugaba Inege Robert, watsindiye uyu mwanya wa Chairman, ni Umunyamulenge wigeze no kuyobora Mutualité y’Abanyamulenge i Kyaka. Azwiho ubunyangamugayo, gukunda abantu no kugira uruhare mu iterambere ry’abaturage aho atuye hose. Abenshi bemeza ko kuba yatsindiye uyu mwanya ari icyemezo cyatewe n’icyizere bamufitiye.
