• About Us
  • Privacy Policy
Tuesday, November 17, 2026
  • Login
Minembwe Capital News
  • Home
  • Conflict & Security
  • Regional Politics
  • World News
  • sport & entertainment
No Result
View All Result
  • Home
  • Conflict & Security
  • Regional Politics
  • World News
  • sport & entertainment
No Result
View All Result
Minembwe Capital News
No Result
View All Result
Home Regional Politics

Perezida Ndayishimiye Yongeye Kuvuga Amagambo Akakaye Ku Rwanda, Impungenge Zihita Ziyongera ku Mutekano w’Akarere

Bahanda Bruce by Bahanda Bruce
December 20, 2025
in Regional Politics
0
U Burundi mu Myiteguro yo Gukora Imyigaragambyo Mpuzamahanga Yibasira u Rwanda, Umwuka wa Makimbirane Ukomeza Gukara mu Karere
78
SHARES
2k
VIEWS
Share on FacebookShare on TwitterShare on Whatsapp

Perezida Ndayishimiye Yongeye Kuvuga Amagambo Akakaye Ku Rwanda, Impungenge Zihita Ziyongera ku Mutekano w’Akarere

Perezida w’u Burundi, Evariste Ndayishimiye, yongeye kumvikana mu magambo akakaye afatwa n’abasesenguzi nkagashozantambara, ayerekeza ku Rwanda, arushinja ibikorwa by’ubushotoranyi no gushyigikira abashaka guhungabanya umutekano w’igihugu cye.

Aya magambo yayatangaje ku wa Gatanu tariki ya 19/12/2025, mu birori byo kumwifuriza we n’umuryango we umwaka mushya wa 2026, byari byateguwe n’inzego z’umutekano z’u Burundi. Ibyo birori byabereye mu kigo cya bataillon ya 22 y’abasirikare bo mu mutwe w’abakomando, giherereye i Gitega, umurwa mukuru wa politiki w’u Burundi.

Nyuma y’ibi birori, Perezida Ndayishimiye yafashe umwanya wo kunenga u Rwanda, arushinja “kutabana neza n’u Burundi” no gukomeza gushyigikira imitwe imwifuriza inabi. Yavuze ko u Rwanda rukomeje gushinja u Burundi kuba inzitizi mu migambi yo guhungabanya umutekano wa Repubulika ya Demokarasi ya Congo, ibintu we yise ibinyoma bigamije kumuharabika.

Mu ijambo yabwiye abasirikare n’abapolisi bari aho, yagize ati:
“Ntitubice ku ruhande. Murabizi ko dufite umuturanyi mu majyaruguru utatubaniye neza. Akomeje kuduhigira no kudushinja ibitari byo, avuga ko u Burundi ari bwo bumubangamiye mu migambi yo gusenya igihugu gituranyi cya Congo, kandi ni na we udahwema gushyigikira abifuriza inabi u Burundi.”

Yakomeje ashimangira ko u Burundi ari igihugu cyigenga kidashobora kuvogerwa, agira ati: “Igihugu si icyana, igihugu si abana. U Burundi ni igihugu kitavogerwa.”

Perezida Ndayishimiye yanaboneyeho gusaba inzego z’umutekano “kuba maso no kuryamira amajanja,” azisaba gufatanya n’abayobozi n’abaturage bose mu kurinda igihugu. Yabijeje ko na we ubwe yiteguye uruhare urwo ari rwo rwose mu gihe byaba ngombwa.

Yongeyeho ati:
“N’abaturage bose barikanuye. Uzahirahira agatera u Burundi azamenya uko atangiye intambara, ariko ntazamenya uko izarangira. Intambara izarangirira iwe, kuko Imana ntirenganya.”

Aya magambo akomeje gufatwa n’abakurikirana politiki y’akarere nk’ikimenyetso cy’uko Perezida Ndayishimiye agaragaza impungenge n’ubwoba bwo gushozwaho intambara, cyane cyane akurikira amagambo yavugiye i Kinshasa mu kwezi kwa mbere umwaka wa 2024, aho yeruye ko yiteguye kugira uruhare mu mugambi wo gutera u Rwanda no gukuraho ubutegetsi bwa Perezida Paul Kagame.

Uyu murongo wa politiki w’u Burundi ugaragarira kandi mu mikoranire ingabo z’iki gihugu zimaze igihe zifitanye n’umutwe wa FDLR ugizwe n’abajenosideri, bafatanya n’ingabo za FARDC mu ntambara zirwanamo n’umutwe wa AFC/M23 mu burasirazuba bwa Congo.

Ku rundi ruhande, u Rwanda rwo rwakunze kugaragaza ko rutigeze rutangaza umugambi wo kurwana n’u Burundi. Inshuro nyinshi, Kigali yagiye ishimangira ko idakorana n’umutwe n’umwe urwanya ubutegetsi bwa Bujumbura, inahamagarira akarere gukemura amakimbirane hakoreshejwe inzira z’amahoro n’ubufatanye bwa dipolomasi.

Mu gihe amagambo akakaye akomeje kwiyongera, impungenge ku mutekano n’ituze by’akarere k’ibiyaga bigari na zo ziriyongera, bituma amahanga akomeza guhamagarirwa gukurikiranira hafi uko umubano w’u Rwanda n’u Burundi uhagaze, hagamijwe kwirinda ko amagambo yahinduka ibikorwa byahungabanya amahoro.

Tags: EvaristeU BurundiU Rwanda

Browse by Category

  • Conflict & Security
  • Regional Politics
  • Religion
  • Shop & Explore
  • sport & entertainment
  • Uncategorized
  • World News

Minembwe Capital News

MINEMBWE DUTANGAZA AMAKURU ATOHOJE KANDI YIZEWE Y'I MULENGE NO MU KARERE, NDETSE NO KU ISI HOSE.

CATEGORIES

BROWSE BY TAG

Conflict & Security Regional Politics Religion Shop & Explore sport & entertainment Uncategorized World News
  • About Us
  • Home
  • Privacy Policy

© 2026 Minembwe Media.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
No Result
View All Result
  • Home
  • Regional Politics
  • Conflict & Security
  • World News
  • About Us
    • Privacy Policy

© 2026 Minembwe Media.

Not enough quota to unlock this post
Unlock left : 0
Are you sure want to cancel subscription?