Goma: Ikamyo ya Bralima Yagonze Abantu ku Isoko rya Kituku, Hari Abapfuye
Minembwe Capital News (MCN)
Ku mugoroba wo ku munsi w’ejo hashize, abantu benshi baguye mu mpanuka y’ikamyo ya sosiyete Bralima yagonze abantu bari ku Isoko rya Kituku, mu mujyi wa Goma, mu Ntara ya Kivu y’Amajyaruguru.
Amakuru yatangajwe n’abari i Goma, bahaye amakuru amasoko ya MCN, avuga ko iyi mpanuka yatewe n’ikibazo cya feri z’iyo kamyo, bivugwa ko zananiwe gukora ubwo yari iturutse ahazwi nka Abattoir. Ibyo ngo byatumye umushoferi ananirwa guhagarika ikamyo, ikomeza kugenda kugeza ubwo yagongaga abantu bari ku isoko.
Hategerejwe amakuru yemejwe ku mubare w’abahitanywe n’impanuka
Nubwo amakuru y’ibanze agaragaza ko iyi mpanuka yahitanye abantu benshi, umubare nyawo w’abapfuye n’abakomeretse nturamenyekana neza.
Kugeza ubu, nta makuru arambuye aratangazwa ku mazina y’abitabye Imana cyangwa ku buryo ibikorwa byo gutabara abahuye n’iyi mpanuka byagenze.
Iperereza rizatanga umucyo ku cyateye iyi mpanuka, harimo no kumenya niba koko ikibazo cya feri ari cyo cyayiteye, ndetse n’andi makuru ajyanye n’imiterere n’umutekano w’iyo kamyo.
Minembwe Capital News (MCN)