Alexis Thambwe Mwamba Yarekuwe Ahagana Saa Tatu z’ijoro: Ibyo Wamenya kuri iyi Nkuru
Minembwe Capital News (MCN)
Alexis Thambwe Mwamba, wahoze ayobora Sena ya Repubulika Iharanira Demokarasi ya Congo (RDC), yarekuwe ku mugoroba w’ejo ahagana saa tatu z’ijoro (21h00), nyuma yo gutabwa muri yombi mu gitondo.
Amakuru yatangajwe agaragaza ko yamaze amasaha arenga icumi afunzwe mbere yo kurekurwa. Gusa, impamvu nyayo yatumye atabwa muri yombi n’ibyo yaba yarashinjwaga ntibiramenyekana neza.
Mbere y’uko arekurwa, inzego zishinzwe umutekano zasatse iwe mu rugo. Nta makuru arambuye aratangazwa ku cyari kigamijwe muri iryo saka. Icyakora, amakuru aturuka ahandi avuga ko mu byo izo nzego zakuye iwe harimo mudasobwa n’ibindi bikoresho by’itumanaho.
Kugeza ubu, nta yandi makuru arambuye yatangajwe asobanura impamvu y’ifatwa rye cyangwa niba hari izindi ngamba zafatiwe muri urwo rwego.
Minembwe Capital News (MCN)