Minembwe: Drone Yateye Ibisasu mu Bice Bibiri, Ukuri ku Duce Yateyemo Ibisasu Mu Ijoro
Minembwe Capital News (MCN)
Amakuru Minembwe Capital News (MCN) yamenye binyuze mu masoko yayo agaragaza ko indege itagira abapilote (drone) yaraye igabye ibitero mu bice bibiri bitandukanye byo mu Minembwe, mu Ntara ya Kivu y’Amajyepfo.
Nk’uko ayo makuru MCN yahawe abivuga, igisasu cya mbere cyaguye iruhande rw’inyubako ikorerwamo ibiro by’Akarere (District) k’Itorero rya 8ème CEPAC. Iyo nyubako iherereye haruguru y’umuhana wa Gisoke, werekeza kwa Risesema, hafi y’uruzi rwa Lwiko.
Igisasu cya kabiri cyo cyaguye mu gace ka Mukoko, utambutse i Gakenke. Mukoko iherereye mu majyaruguru ya Gakenke.
Amakuru MCN yamenye agaragaza ko ibyo bisasu byangije ibikorwa remezo by’abaturage batuye muri ibyo bice byombi byo mu Minembwe.
Ibyo bitero byagabwe ahagana saa mbili z’ijoro, ku isaha ikoreshwa mu Minembwe no mu mujyi wa Bukavu.
Umwe mu basirikare ba FRN watanze aya makuru yabwiye MCN ko drone yagabye ibyo bitero yari nini. Yongeyeho ko mbere yo kurasa ibyo bisasu, yabanje kuzenguruka mu kirere cya Minembwe inshuro zirenze imwe.
Minembwe Capital News (MCN)