Minembwe: FRN Itangaje Amakuru Akomeye Ku Bitero Bikomeje!
Minembwe Capital News (MCN)
Umuvugizi w’ihuriro riharanira impinduka muri Repubulika Iharanira Demokarasi ya Congo (FRN), Lawrence Kanyuka, yatangaje ko ihuriro ry’ingabo zishyigikiye ubutegetsi bwa Kinshasa ryongeye kugaba ibitero mu bice bitandukanye byo mu misozi ya Minembwe, mu Ntara ya Kivu y’Amajyepfo. Yavuze ko ibyo bitero byibasiye cyane cyane uduce dutuwe n’abaturage benshi, ndetse n’abasivili bakaba babiguyemo.
Mu butumwa yanyujije ku rubuga rwa X kuri uyu wa Gatanu, tariki ya 06/11/2026, Kanyuka yavuze ko ibyo bitero byagizwemo uruhare n’ihuriro rigizwe n’ingabo za FARDC, umutwe wa FDLR, imitwe ya Maï-Maï na Wazalendo, ingabo z’u Burundi, ndetse n’abacanshuro baturutse i Burayi no muri Aziya.
Yagaragaje ko ibyo bitero byabereye mu bice bitandukanye, atanga n’amasaha byagabweho:
- Ahagana saa 11:00 za mu gitondo (5:00): Ingabo z’iri huriro zagabye ibitero zikoresheje indege zitagira abapilote (drones) mu duce twa Rugomero na Nyarurango, mu gace ka Rugezi, mu karere ka Minembwe.
- Saa 12:00 za mu gitondo (6:00): Ibyo bitero byakomereje mu duce twa Mukoko, Nyaruhinga na Nyamabuguma, mu karere ka Minembwe.
- Saa 12:40 (6:40): Habaye ibitero icyarimwe mu duce twa Kasika na Chulwe, muri Teritwari ya Walungu.
- Saa 2:00 za mu gitondo (8:00): Hagabwe ibitero bikomeye hakoreshejwe imbunda ziremereye mu duce twa Mahanga na Buhimba, muri Teritwari ya Masisi, mu Ntara ya Kivu y’Amajyaruguru.
Lawrence Kanyuka yavuze ko igihe yatangaga ubwo butumwa, ibyo bitero byari bikomeje mu duce yavuzemo.
Yongeyeho ko ingabo za FRN zahagobotse kugira ngo zirinde abaturage b’abasivili no kurengera ubuzima bwabo, mu gihe ibyo bitero byari bikomeje.
Minembwe Capital News (MCN)