• About Us
  • Privacy Policy
Wednesday, November 18, 2026
  • Login
Minembwe Capital News
  • Home
  • Conflict & Security
  • Regional Politics
  • World News
  • sport & entertainment
No Result
View All Result
  • Home
  • Conflict & Security
  • Regional Politics
  • World News
  • sport & entertainment
No Result
View All Result
Minembwe Capital News
No Result
View All Result
Home Conflict & Security

“Ibicuruzwa Byacu Byahindutse Umuyonga”: Ubuhamya bw’Umucuruzi ku Bitero bya Drones mu Minembwe

Bahanda Bruce by Bahanda Bruce
November 17, 2026
in Conflict & Security
0
“Ibicuruzwa Byacu Byahindutse Umuyonga”: Ubuhamya bw’Umucuruzi ku Bitero bya Drones mu Minembwe
72
SHARES
1.8k
VIEWS
Share on FacebookShare on TwitterShare on Whatsapp

“Ibicuruzwa Byacu Byahindutse Umuyonga”: Ubuhamya bw’Umucuruzi ku Bitero bya Drones mu Minembwe

Minembwe Capital News (MCN)

Umwe mu bacuruzi bo mu bwoko bw’Abashi ukorera ibikorwa by’ubucuruzi muri Minembwe Centre, mu gace kagenzurwa na Front pour la Refondation de la Nation (FRN), yahaye Minembwe Capital News (MCN) ubuhamya bugaragaza ingaruka zikomeye z’ibitero byagabwe muri ako gace hakoreshejwe indege zitagira abapilote zizwi nka drones.

Uyu mucuruzi, uri mu bahuye n’ingaruka z’ibi bitero, yavuze ko we na bagenzi be bahungabanye bikomeye nyuma y’uko igisirikare cya Repubulika Iharanira Demokarasi ya Congo (FARDC), ku bufatanye n’ingabo z’u Burundi, kibagabyeho ibitero mu ijoro ryo ku wa Mbere rishyira ku wa Kabiri, tariki ya 17/11/2026.

Nk’uko ubuhamya MCN yahawe bubivuga, muri ibyo bitero hifashishijwe drones zarashe ibisasu byangije amaduka menshi yari muri Minembwe Centre, bituma abacuruzi bahomba ibicuruzwa ndetse n’inyubako bakoreragamo.

Uyu mucuruzi yavuze ko ibyabaye byabateye ubwoba n’ihungabana rikomeye, cyane cyane bitewe n’uko ibitero byibasiye ibikorwa by’ubucuruzi n’imitungo y’abaturage.

Yagize ati:

“Twahumiwe! Turasa n’abakubiswe n’inkuba kubona igisirikare cya Leta y’i Kinshasa, ku bufatanye n’ingabo z’u Burundi, gitera ibisasu mu baturage.”

Yakomeje asobanura ko amaduka menshi yasenyutse cyangwa akangirika bikomeye, ndetse n’ibicuruzwa yari abitsemo bikangirika ku buryo bukomeye.

Yagize ati:

“Ibicuruzwa byacu byahindutse umuyonga. Amazu twakoreragamo na yo yangijwe cyane: amwe yahiye ahinduka umuyonga, andi arasenyuka.”

Amaduka arindwi amaze kumenyekana ko yangiritse

Amakuru MCN yahawe n’uyu mucuruzi agaragaza ko kugeza ubu hamaze kumenyekana amazu arindwi y’ubucuruzi yangijwe n’ibi bitero.

Icyakora, igenzura riracyakomeje kugira ngo hamenyekane umubare nyawo w’amaduka n’inyubako zangiritse, ndetse n’ingano y’igihombo cyatewe n’ibi bitero.

Uyu mucuruzi yashimangiye ko igihombo cy’abacuruzi kitagarukira ku kwangirika kw’inyubako gusa, kuko n’ibicuruzwa bari barashoyemo imari byangiritse bikomeye. Ibi bikaba bishobora kugira ingaruka zikomeye ku mibereho yabo no ku mikorere y’ibikorwa byabo by’ubucuruzi.

Ishuri rya UGEAFI na ryo ryangijwe, abanyeshuri bahagarika amasomo

Ibikorwa by’uburezi na byo byagizweho ingaruka n’ibi bitero. Ishuri rya UGEAFI riherereye mu Minembwe na ryo ryangijwe, nk’uko amakuru MCN yakurikiranye abigaragaza.

Bitewe n’ibyangiritse, abanyeshuri bahagaritse amasomo kuri uyu wa Kabiri.

Ubuyobozi bw’ishuri rya UGEAFI bwashyize hanze itangazo rigaragaza ko amasomo ahagaritswe nyuma y’ibyangijwe n’ibitero byagabwe muri ako gace.

Igihe ibitero byagabweho

Amakuru yageze kuri MCN agaragaza ko ibi bitero byagabwe ahagana saa tatu z’ijoro, ku masaha akoreshwa mu Minembwe na Bukavu, mu burasirazuba bwa Repubulika Iharanira Demokarasi ya Congo.

Ubuhamya bw’uyu mucuruzi ni bumwe mu makuru MCN yakusanyije ku ngaruka ibi bitero byagize ku baturage bakorera ibikorwa byabo by’ubucuruzi muri Minembwe Centre.

Minembwe Capital News (MCN)

Tags: IbicuruzwaMinembweUbuhamyaUmuyonga

Browse by Category

  • Conflict & Security
  • Regional Politics
  • Religion
  • Shop & Explore
  • sport & entertainment
  • Uncategorized
  • World News

Minembwe Capital News

MINEMBWE DUTANGAZA AMAKURU ATOHOJE KANDI YIZEWE Y'I MULENGE NO MU KARERE, NDETSE NO KU ISI HOSE.

CATEGORIES

BROWSE BY TAG

Conflict & Security Regional Politics Religion Shop & Explore sport & entertainment Uncategorized World News
  • About Us
  • Home
  • Privacy Policy

© 2026 Minembwe Media.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
No Result
View All Result
  • Home
  • Regional Politics
  • Conflict & Security
  • World News
  • About Us
    • Privacy Policy

© 2026 Minembwe Media.

Not enough quota to unlock this post
Unlock left : 0
Are you sure want to cancel subscription?