Kuruyu wa kabiri, abantu bane( 4), bishwe barashwe abandi babiri barakomereka bikabije mu gitero cyagabwe na barwanyi ba Maï-Maï Mazembe i Mambedu ho muri Ituri.
Yanditswe na Bruce Bahanda, kw’itariki 13.06.2023, saa 5:57pm, kumasaha ya Bukavu na Minembwe.
Mugace ka Mambedu ho muntara ya Ituri, hibasiwe n’igitero cy’umutwe witwaje intwaro wa Maï Maï Mazembe. Nigitero cyagabwe mu gitondo cyo kuruyu wa kabiri, tariki ya 13.06.2023.
Iki gitero kikaba cahitanye abaturage bane(4), abandi babiri(2), barakomereka bikabije nkuko byatangajwe n’a Radio Okapi.
Mambedu nagace gaherereye mu burasirazuba bwa Komanda akaba ari mubirometero 14 unyuze i Makayanga homubw’ami(Chefferie), bwaba Walese vonkutu akaba ari muri teritware ya Irumu, mu ntara ya Ituri.
Umubare w’iki gitero ni abasivili bane (4 ), bishwe abandi babiri (2) barakomereka bikabije, bakaba bajanwe ku kigo nderabuzima kiraho hafi kugira ngo bavurwe.
Ibi byatangajwe na Bwana Christopher Munyanderu, umuhuzabikorwa w’ikigo cy’ubushakashatsi gishinzwe iterambere ry’abantu (CRDH), ishami rya Irumu.
Akaba yanamaganye byimazeyo iki gitero kandi ahamagarira ingabo z’a leta ya Kinshasa, kurwanya iyimitwe yose yitwaje intwaro. Maze amahoro akongera kuboneka muraka gace ko muntara ya Ituri.