Igisirikare cya RDC mumutwe wa Bakomanda bakunze akarasisi kagamije gukanga umwanzi.
Yanditswe na: Bruce Bahanda, kw’itariki 23/07/2023, saa 4:20pm, kumasaha ya Bukavu na Minembwe.
Akarasisi k’ingabo za Republika ya Demokarasi ya Congo, mubasirikare bo mwitsinda rigizwe naba komanda bashinzwe kurinda umukuru w’igihugu, kakozwe kuruyu wa Gatandatu. Aka karasisi kari kagamije gukanga umwanzi wa RDC ariwe M23.
Na karasisi na Perezida Félix Antoine Tshisekedi bivugwa ko yakishimiye uburyo ka kozwe. Kakaba kari kagizwe n’umutwe w’ingabo zishinzwe kurinda umukuru w’igihugu, mu ntara zimwe na zimwe za Repubulika ya Demokarasi ya Congo .
Binyuze mu ishami ry’itumanaho rya perezidansi ya Congo Kinshasa, Félix Tshisekedi yishimiye iki gikorwa cyiza n’inzego z’ingabo n’umutekano. Mu magambo ye, perezida wa Repubulika ya Demokarasi ya Congo yavuze ibi bikurikira:
“Ndashimira kandi ingabo n’abashinzwe umutekano barimo gukora ubudacogora kugira ngo umwanzi abuzwe kuba yatera akaga kugira ngo amahoro n’umutekano bigaruke vuba kugeza ku ntsinzi ya nyuma. Iyi ni yo kandi ni yo izaba nshingano yacu ”
Abagize umutwe w’ingabo zishinzwe kurinda perezida bakoze urugendo rwo kugaragaza ubuhangange banyuze mu mihanda minini y’umurwa mukuru wiki gihugu mu matsinda abiri.
Bahagurutse kuri Motel Fikin muri Limete no kuva Bandalungwa berekeza kuri Camp Tshatshi.
Twabibutsa ko uru rugendo ari kimwe mu bikorwa bisanzwe by’ingabo zishinzwe kurinda perezida, ahanini hagamijwe gukomeza kubungabunga ubuzima bw’abasirikaare no kwizeza abaturage ko ingabo ziri iruhande rwabo, nk’uko byatangajwe na Major Gen Ephraim Kabi Kiriza, umuyobozi w’ingabo zishinzwe kurinda umukuru w’igihugu.