Leta ya Kinshasa yongeye gutangaza ko Umunyamabanga mukuru w’ibihugu bivuga ururimi rw’igifaransa ko azitabira imikino iteganywa kubera i Kinshasa.

Leta ya RDC yongeye gutangaza ko Umunyamabanga mukuru w’umuryango w’ibihugu bivuga igifaransa Louise Mushikiwabo ko azitabira amarushanwa y’imikino ateganywa kubera i Kinshasa.

Yanditswe na: Bruce Bahanda, kw’itariki 25/07/2023, saa 6:07Am, kumasaha ya Bukavu na Minembwe.

Nyuma yuko leta ya Kinshasa, itangaje ko Umunyamabanga mukuru w’umuryango w’ibihugu bivuga ururimi rw’igifaransa (OIF), Louise Mushikiwabo ko atazitabira amarushanwa ya Siporo n’umuco biteganijwe kubera i Kinshasa kumurwa mukuru wa Republika ya Demokarasi ya Congo, bongeye gutangaza ko azitabira ayi mikino.

Ubwo ibi byagiye hanze byari byatangajwe na minisiteri y’ubanye n’amahanga ya RDC, n’imugihe iyi Minisitiri yavuze ikoresheje inyandiko kuri Twitter ivuga ko uyu munyamabanga mukuru w’ibihugu bivuga ururimi rw’igifaransa ( OIF), Louise Mushikiwabo uvuka mugihugu c’u Rwanda atahawe ubutumire bwokwitabira iyi mikino igiye kuba kunshuro ya Cenda(9). Iyi mikino ikazabera i Kinshasa, Igihugu gifitanye amakimbirane ni gihugu c’u Rwanda, namakimbirane amaze igihe kingana numwaka urenga aho leta ya Kinshasa ishinja iya Kigali gutera inkunga umutwe wa M23 urwanya Kinshasa, ibi Kigali ibitera utwatsi hubwo leta y’u Rwanda ikarega Kinshasa gukorana byahafi nu mutwe witerabwoba wa FDLR urimo abasize bakoze Genoside yakorewe Abatutsi mu Rwanda, ahagana mumwaka wa 1994.

Iyi leta Kandi ya Republika ya Demokarasi ya Congo (RDC), binyuze mu muvugizi wayo Patrick Muyaya yaraye atangarije Abanyamakuru kuruyu mugoroba wo kuwa Mbere tariki 24/07/2023, ko umunyamabanga mukuru w’umuryango w’ibihugu bivuga ururimi rw’igifaransa (OIF), Louise Mushikiwabo ko azitabira iyi mikino.

N’i mikino izatangira tariki 28/07, ikazarangira tariki 06/08/2023.