Abanyamulenge batataniye hirya no hino kw’Isi kumunsi w’ejo bazibuka kunshuro 19 ababo biciwe mu Gatumba.

Abanyamulenge bari ahatandukanye kw’Isi bagiye kwibuka kunshuro ya 19 ababo biciwe mu Gatumba.

Yanditswe na: Bruce Bahanda, tariki 12/08/2023, saa 8:10Am, kumasaha ya Bukavu na Minembwe.

Ejo tariki 13/08/2023, Abanyamulenge ba tataniye mubihugu bitandukanye bazibuka ababo biciwe mu Gatumba mu mwaka wa 2004.

Ubwo Abanyamulenge batsembewe mu Gatumba,
hari mu ijoro ryo kw’itariki 12/08/ 2004, n’imugihe izimpuzi z’Abanyamulenge bari barahungiye mu Nkambi ya Gatumba mu Burundi bari barahunze bava mubice biherereye muri teritware ya Fizi, Mwenga, Moba na Uvira homuri Repubulika ya Demukarasi ya Congo baza kugabwaho igitero baratsembatsembwa bazira ubwoko bwabo Abanyamulenge (Tutsi).

Imyaka icyumi nicenda irashize(19), abo Banyamulenge bagabweho igitero, abazwi biciwe muriyo Nkambi bagera ku 166.

Aba Banyamulenge, bishwe hakoreshejwe Amahiri, imipanga no gutwikwa ndetse no kuraswa, nkuko Minembwe Capital News, yabyiganiwe na Nkomezi wa rokotse iryo tsembatsemba.

Abanyamulenge barokotse bakaba bibuka ababo biciwe muricyo gitero. Mu Minembwe bibutse Aba banya Gatumba bwambere umwaka wa 2015, mukwezi kwa Munani tariki Cyumi nazitatu.

Kwibuka ngo bikorwa kurizi mpamvu nkuko Abanyamulenge babivuga:

“Kwibuka ni ikintu gikomeye cyane abantu bakwiye gukora kuko gifite agaciro gakomeye, n’Idini ryubakiye ku kwibuka urupfu rwa Yesu Krisitu. Kwibuka bitanga gutekereza, bibuka kugira ngo amateka atazasibanganwa! Imana nayo ubwayo ibwira abantu ngo mujye mwibuka kugira ngo mutazasubira mu bihe mwabayemo.”

Ikindi gituma abantu bakwiye kw’ibuka nkuko Abanyamulenge bakomeza kubivuga ngo:
“Impamvu yo kwibuka ni ukugaragaza ukuri ko hari abantu baba batazi amateka no kuba hari abagamije gupfobya no guhisha ukuri. Ni ugukomeza kwibuka kugira ngo bereke Isi n’inzego zifite ubutabera mu nshingano kugira ngo zibone aho zihera.”

Twabibutsa ko abarokotse mu Gatumba bamaze no gushraho ihuriro bise “Gatumba Foundation” bizeye ko izakomeza gusaba ibihugu bya Congo n’u Burundi kugira ngo ubutabera buboneke kandi Abanyamulenge bareke gukomeza kwicwa.

Ikibabaje nuko kugeza nubu Abanyamulenge bakomeje kw’icwa Muburasirazuba bwa Republika ya Democrasi ya Congo, ahanini mu Minembwe ndetse nahandi mubindi bice bya Congo Kinshasa.

Abashinjwa ubu bwicanyi bwo mu Gatumba, ni umugambwe wa FNL wa Agatho Rwasa ndetse n’imitwe ya Mai Mai yaje iva kubutaka bwa Republika ya Democrasi ya Congo.