Haribindi bishya byavuzwe ku Banyamulenge bafungiwe i Bunia bazira gushingura uwari witabye Imana.

Abanyamulenge mubari bafungiwe i Bunia hari abafunguwe mu gihe abandi bagifunzwe, bazira gushingura uwari witabye Imana.

Ni amakuru Minembwe Capital News ikesha umwe mu Banyamulenge baturiye ibice byo muri Ituri aho yavuze ko Abanyamulenge bagera kuri 4 muri batandatu bari bafunzwe bazira ibintu bidasobanutse bafunguwe, abandi babiri bakaba bigifunzwe.

Mu ntangiriro z’iki Cyumweru nibwo byatangiye kuvugwa ko hari Abanyamulenge b’abasivili n’abasirikare basanzwe bakorera i Bunia mu Ntara ya Ituri bafunzwe kandi ko bafunzwe mu gihe bari muri gahunda yo gushingura umusirikare nawe w’Umunyamulenge wari witabye Imana azize uburwayi, witwa Muhire Eric.

Uyu musirikare akaba yari yaguye mu gace ko muri iyi Ntara ya Ituri, kitwa Mambasa, mu gihe umuryango we wari winjiye muri gahunda zo kugira ngo ushingure.

Wabanje gutuma aba bafunzwe barimo abasirikare n’abasivili kuri Secteur kugira ngo bahabwe ibibafasha kuja gushingura, nayo iza kubaha Bon de livraison, mu gihe rero bageze kuri base ya Logistique bahita babafunga, ngo ntibizewe kandi basanzwe ari abaturage baho, abandi ari basirikare b’igihugu.

Aya makuru akomeza avuga ko bahise boherezwa gufungirwa kwa T2 wa region muri Ituri.

Bityo, ahagana mu masaha y’umugoroba w’ajoro w’ejo hashize tariki ya 09/08/2024, bane muri aba bari bafunzwe barafunguwe abandi babiri baracafunzwe, nk’uko iy’inkuru ibivuga.

Mu bagifunzwe harimo Col Richard Munyamahoro n’umusivile witwa Thiery.

Imiryango yabo, ivuga ko nta kindi bafungiwe usibye kuba ari abo mu bwoko bw’Abanyamulenge. Abanyamulenge bagiye bahohoterwa mu bihe byinshi ahanini mu Burasirazuba bwa RDC, mu kubahohotera ntibarabonanura kuko n’abakorera leta nabo bagirirwa nabi kimwe n’uko n’abasivili bafashwe nabi muri iki gihugu cya Repubulika ya demokarasi ya Congo.

             MCN.