Abarimo abasirikare 9 n’abasivili benshi, baguye mu ntambara za moko muri Repubulika ya demokoarasi ya Congo.
Inzego z’ubutegetsi muri Repubulika ya demokarasi ya Congo zatangaje ko abantu 70 barimo abasirikare 9 baguye mu gitero abantu bitwaje imbunda bagabye mu bice biherereye mu Burengerazuba bw’iki gihugu.
Agace kagabwemo igitero kitwa Kinsele, kari mu birometro 100 uvuye ku murwa mukuru wa Repubulika ya demokarasi ya Congo (Kinshasa). Ayamakuru avuga ko umutwe w’inyeshamba wagabye iki gitero ari uwa Mobondo.
Nk’uko bivugwa icyo gitero cyagabwe ku wa Gatandatu wakiriya Cyumweru gishize.
Abarwanyi bagabye iki gitero bo mu mutwe wa Mobondo bavuga ko baharanira uburenganzira bwabo bw’aba Yaka.
Umuyobozi wungurije wa teritwari ya Kwamauth, David Bisaka, yabwiye ibiro ntaramakuru by’Abanyamerika, Associated Press, ko hamaze kuboneka imirambo y’abantu 72 baguye muri icyo gitero.
Intambara hagati ya moko y’Abayaka na Teke yavutse mu myaka yo hambere ariko biza gufata indi ntera mu 2022.
Ubwoko bw’aba Teke bwiyita kavukire mu gihe bubona nk’abimukira abamoko yandi, ahanini abo mu b’a Yaka baje gutura hafi y’uruzi rwa Congo mu myaka yo hambere.
Gusa mu kwezi Kane uyu mwaka hari hasinywe amasezerano yo guhuza impande zombi ndetse na perezida Tshilombo ahari, imvururu zikaba zongeye gukara, n’ingabo za RDC zoherejweyo kubihoshya zarananiwe.
Kinsere iri muri teritwari ya Kwamauth. Mu myaka ibiri ishize imvururu zariyongereye zihitana abasivile babarirwa mu magana.
Izi mvururu ziraba mu Burengerazuba bw’iki gihugu mu gihe no mu Burasirazuba bwacyo Ingabo za FARDC nabazishyigukiye zihanganye n’umutwe wa m23. Aka karere ko mu Burasirazuba bw’iki gihugu, kabarirwamo imitwe y’abarwanyi 120. Buri umwe urashaka amabuye y’agaciro n’indi mitungo kamere iharangwa.
MCN.
