Lisansi ntizongera gucururizwa i Kamvimvira ku mupaka uhuza Congo n’u Burundi.
Ni byatangajwe n’urwego rushinzwe abinjira n’abasohoka muri Repubulika ya demokarasi ya Congo (DGM). Iki cyemezo cyahangayikishije benshi barimo abashoferi b’Abarundi bajyaga gushakira lisansi muri Uvira.
Iyi ngingo yo gufunga ubwo bucuruzi ije nyuma y’aho lisansi icyururizwa aho ku mupaka.
Kuri uyu wa Kane hari abashoferi bari bazanye imodoka zabo gushakira lisansi ku mupaka wa Kamvimvira, bavuga ko bahageze basanga nta lisansi iharangwa. Abacuruzi b’Abanyekongo bavuga ko birukanwe n’urwego rushinzwe abinjira n’abasohoka ku mupaka wa kavimvira.
Ababirenzeho inzego z’u mutekano zarimo zihita zifata iyo lisansi zikayitwara.
Ahanini abakora ubucuruzi bwa lisansi ku mupaka nabafite za resitora, abotsa inyama, ndetse n’abacuruzi ba lisansi batavanga n’ikindi.
Gusa basabye urwego rushinzwe abinjira n’abasohoka rwa leta ya Kinshasa, rwafashe iki cyemezo cyo kuba fungira kubadohorera, bagakomeza imirimo yabo kuko ari yo ibatungiye imiryango.
Nyuma yo gufunga isoko rya lisansi ryo ku mupaka , Abarundi baza gushakira lisansi muri Uvira, babuze aho berekeza. Mu Burundi nta lisansi ihari; byatumye babura amahitamo bongera kwerekeza i Bujumbura.
Mu itegeko uru rwego rushinzwe abinjira n’abasohoka ku mupaka wa Kamvimvira, rwategetse ko rudashaka kongera kubona ubucuruzi bwa lisansi hafi y’u mupaka, ruvuga ko ibi bikozwe mu rwego rwo kurinda ko hashobora kongera kwaduka impanuka ivuye kuri lisansi.
MCN.
