Abarwanyi bo mu mutwe wa Maï Maï biciwe mu birombe bicukurwamo amabuye y’agaciro, mu gace ka Mutcatcha ha herereye mu Ntara ya Ituri.
Ni abagera kuri barindwi bishwe abandi batatu barakomereka bikabije, nk’uko byatangajwe n’i gitangaza makuru cya Radio okapi.
Ivuga ko abo barwanyi ba Maï Maï bishwe barashwe n’igisirikare cya Repubulika ya demokarasi ya Congo, k’u wa Gatandatu, tariki ya 23/03/2024.
Ibyo birombe bicukurwamo amabuye y’agaciro, amakuru yatanzwe na Radio okapi, avuga ko byari bikoramo Abashinwa.
Ibi kandi byemejwe na Sosiyete sivile yo muri ibyo bice, bavuga ko izo nyeshamba ko zishwe mu gihe zari zije kw’iba amabuye y’agaciro ko kandi baje bavuye ahari ibirindiro byabo biri ahitwa Bakayiko.
Iyi Sosiyete sivile yanavuze ko Maï Maï ihora itegura uko igaba ibitero mu baturage bo muri Ituri.
Radio okapi yanatangaje ko umuyobozi w’Ingabo uyuboye agace ka Mambasa, Colonel Jean Baptiste Matadi, ko yahamagariye abaturage gutekana, avuga ko ingabo ze zigiye gukora ibishoboka kugira ngo arwanye amabandi.
MCN.
