Abasengeri bo muri Repubulika ya demokarasi ya Congo basabye ko hoba guhana abategetsi bo muri leta ya Kinshasa bafasha cyangwa bashigikira M23.
Ni mu Nama idasanzwe yateranye k’uwa Kabiri, tariki ya 12/03/2024, ihuje abasenyeri bo mu idini Gatolika, muri RDC.
Iy’i Nama ikaba yarateraniye i Kisangani, nk’uko bigaragarira mu cyegeranyo aba basenyeri bo mu idini Gatolika, bashize hanze nyuma y’ibyo biganiro byabahuje ku munsi w’ejo.
Icyo cyegeranyo kivuga ko iyo Nama y’Abasenayeri yemeje ko basaba Inteko Nshinga mategeko yo muri Repubulika ya demokarasi ya Congo ko “bashiraho itegeko rikaze , rizahana umutegetsi wese wamenyweho ko aha ubufasha umutwe wa M23, urwanya ubutegetsi bwa Kinshasa.”
Muri icyo cyegeranyo cya basenyeri kandi, gisaba ko buriwese uketsweho gufasha M23 ko akwiye guhagarikwa mu kazi, maze bagasuzuma basanga ibyaketsweho ari ukuri agahanwa byintangarugero.
Iki Cyegeranyo gikomeza kivuga ko M23 ari abasahuzi b’igihugu, ko kandi basahura umutungo wa Repubulika ya demokarasi ya Congo, bityo ko ababafasha bagomba guhanwa hisunzwe itegeko rishya ryofatwa ubu vuba.
Ibi babisabye mu gihe M23 irimo gukaza umurego wo kwirukana ihuriro ry’Ingabo z’ubutegetsi bwa Kinshasa mu bice byo mu Ntara ya Kivu y’Amajyaruguru.
Ni mu gihe abarwana k’uruhande rwa leta batagihagarara imbere ya barwanyi bagize uy’u mutwe wa M23.
Ubutegetsi bwa Kinshasa bufashwa n’ingabo zavuye mu bihugu byinshi byo muri Afrika ndetse no mu Burayi, hari nk’ingabo za SADC, zigizwe n’iza Afrika y’Epfo, Malawi na Tanzania. Hari kandi Ingabo z’u Burundi, ndetse na FDLR ikomoka mu gihugu cy’u Rwanda.
Ni mu gihe kandi hari n’abacanshuro baje bava muri Romania no mu Burusiya. Aba bose bakubitwa inshuro bakubiswe na M23.
MCN.
