Abatavuga rumwe n’ubutegetsi muri Tanzania batawe muri yombi.
Abanyapolitiki batavuga rumwe n’ubutegetsi muri Tanzania batawe muri yombi ku wa mbere tariki ya 23/09/2024, nyuma y’uko bashakaga gukora imyigaragambyo mu murwa mukuru w’ubucuruzi, Dar Salaam.
Abatawe muri yombi ni umuyobozi mukuru w’ishaka rya Chadema, Freeman Mbowe n’umwingirije, Tundu Lissu. Iri shyaka ryabo ryemeje aya makuru rinavuga kandi ko aba bayobozi bafashwe n’igipolisi cy’iki gihugu gishinzwe kurwanya imyigaragambyo.
Mbowe yari yabwiye abashyigikiye ishyaka rye mbere y’uko afungwa ko “gukora imyigaragambyo ari uburenganzira bwabo bahabwa n’itegeko nshinga, avuga kandi ko atangazwa n’imbaraga zikoreshwa n’apolisi mu gutera ubwoba abantu no guhungabanya umutekano wabo.”
Iri shyaka rya Chadema rishinja ubutegetsi bwa perezida Samia Suluhu Hassan kongera kuyobora igihugu mu buryo bwo gukandamiza abatavuga rumwe n’ubutegetsi nk’uwamubanjirije, John Pombe Magufuli.
Rinashinja kandi ubu butegetsi ibura ry’abayoboke ba Chadema n’iyicwa rya Ali Mohammed Kibao, wari umunyamabanga mukuru wayo, wapfuye mu ntangiriro z’uku kwezi kwa Cyenda.
Ibihugu birimo na Leta Zunze Ubumwe z’Amerika zamaganye Tanzania ziyinenga kutorohera abatavuga rumwe n’ubutegetsi. Ibi bibaye mu gihe iki gihugu kirimo cyiteguta amatora y’umukuru w’igihugu azaba mu mpera z’umwaka w’2025.
Suluhu Hassan uyoboye Tanzania yagiye kuri izi nshingano mu ntangiriro z’umwaka wa 2021 nyuma y’urupfu rwa John Pombe Magufuri wari umaze gupfa.
MCN.
