Akandi gace ko mu Rurambo kagaragayemo abarwanyi ba FDLR benshi.
Uyu munsi tariki ya 02/11/2024, inyeshamba zo mu mutwe wa FDLR zirwanya ubutegetsi bw’u Rwanda, zagaragaye mu kandi gace ko mu Rurambo nyuma yuko zakiriwe na Gumino mu Gitoga.
Mu Cyumweru gishize nibwo mu Gitoga ho muri Rurambo, umutwe wa Gumino ufatanyije na Maï Maï wahakiririye Interahamwe zibarirwa mu magana aho zaje zifite abana n’abagore bazo.
Aya makuru yanavuga ko izi nterahamwe zavuye mu mashyamba y’i Mwenga, usibye ko ku rundi ruhande hari andi makuru yavugaga ko zoba zahunze intambara ikomeje kubica bigacika i Walikale, hagati ya M23 n’ihuriro ry’Ingabo zirwana ku ruhande rwa Leta, ariko ukuri n’uko zari zivuye mu mashyamba y’i Mwenga.
Nyuma y’ubwo kandi, byavuzwe ko mu Gipupu ho muri Mibunda naho haje izindi Interahamwe nyinshi, ariko zo zikaba zari zivuye i Kilembwe mu majyepfo ashira u Burengerazuba bwa Mibunda. Zaje no kugenda zikambika mu duce twa Mibunda, ahanini uduwemo n’Abapfulero, Abanyindu n’Ababembe.
Ariko kugeza ubu, igikura iz’interahamwe mu mashyamba iyozabaga zikaja mu bice by’i Mulenge ntikiramenyekana, usibye ko amakuru atangwa n’abaturage baturiye ibyo bice avuga ko ziri mu kwakirwa n’inyeshamba za Maï Maï na Gumino kubufasha bw’Ingabo za RDC n’izu Burundi zo mu mutwe wa TAFOC.
Kuri uyu wa Gatandatu, iz’interahamwe kandi zagaragaye nahitwa kuri Nyarurambi, aha akaba harahoze ibirindiro bikomeye bya Gumino na Maï Maï Rushaba.
Uwaduhaye iy’i nkuru yagize ati: “FDLR zakomeje kutwegera zambutse uruzi bita Rusizi; ubu ziraho bita kuri Nyarurambi.”
Kurundi ruhande, bivugwa ko Gen w’izi nterahamwe ashobora kuba yamaze kugera muri ibi bice, ariko ukuri kwabyo ntikiramenyekana.
Hari ababona ko ibi bishobora kuba birimo umugambi munini w’izi nterahamwe wo gutera u Rwanda, ndetse bikavugwa ko uwo mugambi bawufatanyije na Leta ya Kinshasa n’iy’u Burundi.
Ibi bikaba biva ku byagiye bitangazwa na perezida Félix Tshisekedi, udasize Evariste Ndayishimiye w’u Burundi.
