Bidasanzwe mu nkengero za Kanyabayonga, no muri centre yayo, hagaragaye ituze ridasanzwe.

I Kanyaboyonga hagaragaye ituze kuri uyu wa Kane, tariki ya 06/06/2024.

Kuva isaha z’igitondo cyo kuri uyu wa Kane, hagaragaye agahenge ka mahoro, muri Kanyaboyonga no mu nkengero zayo, nk’uko ibi tubikesha abaturage baturiye ibyo bice.

Aka gahenge kagaragaye nyuma y’uko aha hamaze iminsi irenga irindwi habera urugamba rukomeye hagati ya m23 n’iri huriro ry’Ingabo za Repubulika ya demokoarasi ya Congo.

Iyi mirwano yanabaye ku mugoroba wo kuri uyu wa Gatatu, ibera mu nkengero za Kanyaboyonga, mu birometre bine uvuye muri iyi centre ya Kanyaboyonga.

Nk’uko iyi nkuru dukesha abaturiye ibyo bice, isobanura ko muri centre ya Kanyaboyonga hakigenzurwa n’ihuriro ry’Ingabo za RDC, Fdlr, Fardc, ingabo z’u Burundi, abacanshuro, wazalendo na Sadc.

Mu gihe m23 yo igenzura inkengero z’iyi centre ya Kanyaboyonga, ndetse ikaba yashize ibirindiro bikaze mu gace kitwa Luke na Bulindi no mu tundi duce turi hafi aho.

Imyaka itatu irashize hari uguhangana gukomeye hagati ya M23 n’ihuriro ry’Ingabo zirwana ku ruhande rwa leta ya Kinshasa, kimweho M23 imaze kwambura iri huriro ry’ingabo za Guverinoma ya Kinshasa, ibice byinshi byo muri teritware ya Masisi, Rutshuru na Nyiragongo.

          MCN.