FARDC yateye Abanyamulenge i Gakenke.
Ingabo za Guverinoma ya Kinshasa zo muri brigade ya 21 ifite icyicaro gikuru mu Minembwe, zagabye igitero mu muhana utuwe n’Abanyamulenge wa Gakenke mu Minembwe mu misozi miremire y’Imulenge mu ntara ya Kivu y’Amajy’epfo.
Ni igitero FARDC yagabye isaha ya saa moya n’igice z’iki gitondo cyo ku Cyumweru tariki ya 19/01/2025.
Amasoko yacu avuga ko abasirikare ba Leta bagabye iki gitero bari baturutse mu i kambi ya FARDC irahitwa kuri Ugeafi hafi na centre ya Minembwe.
Agace ka Gakenke kari hakurya y’uruzi rwa Lwiko, kakaba gatuwe n’abaturage bo mu bwoko bw’Abanyamulenge gusa.
Hari amakuru avuga ko FARDC yagabye iki gitero ishaka kwigarurira Gakenke ndetse ikaba inashaka gufata i Gakangala mu rwego rwo kugira ngo ibone inzira iyihuza no kwa Mulima.
Ni mu gihe muri iki gice cyo kwa Mulima harunzwe ibikoresho byagisirikare byinshi, ariko bikaba byarabunze inzira igana muri centre ya Minembwe ahari brigade y’izi ngabo za FARDC.
Kuko ubushize indege za kajugujugu za FARDC zaseheye kwa Mulima imbunda n’amasasu bizivanye Uvira, bityo leta ikaba ishaka kugenzura utwo duce twa Gakenke no mu nkengero zayo kuko nibyo bice bihuza kwa Mulima na centre ya Minembwe.
Gusa muri aka gace kagabwemo ibitero, Twirwaneho yatangiye kwirwanaho, muri aka kanya hakaba harimo intambara ikomeye.
