Ingabo za Repubulika ya Demokarasi ya Congo, (FARDC), zarahiriye kurwanya zigatsinda umutwe witwaje intwaro wa M23 ukorera Muburengerazuba bwa RDC.
Yanditswe na Bruce Bahanda, kw’itariki 18.05.2023, saa 7:45 pm, kumasaha ya Bukavu na Minembwe.
Tariki 17.05.2023, ingabo za leta ya Kinshasa, zizihije umunsi mukuru wabo i Goma ho muntara ya Kivu y’Amajyaruguru, ubwo bizihiza ga Guverineri wa Kivu y’Amajyaruguru ku rwego rwa gisirikare, Lt Gen Constant Ndima, yatangaje ko ingabo zabo za FARDC, ziteguye kurwanya zigatsinda umwanzi wabo M23, maze ngo bakandika amateka nk’ayo banditse mu ntambara ya 2 ya Congo, i Tabora, Gambela na Sayo.
Dore uko yabivuze: “Nk’uko igisirikare cyacu cyatsinze intambara zindi zikomeye, tuzanatsinda M23, ndetse n’indi mitwe yitwaje intwaro. Ndagira ngo mpe icyubahiro abasirikare baguye ku rugamba n’abasivili bishwe na M23, muri teritwari ya Rutshuru, Masisi, Nyiragongo n’abiciwe na ADF/MTM muri teritwari ya Beni.”
FARDC ni igisirikare cyagaragaje imbaraga nke imbere y’imitwe yitwaje intwaro irimo M23 cyemeza ko ifashwa na mahanga, n’ubwo ntabimenyetso bigaragara leta ya Kinshasa, igaragaza.
Ubutegetsi bwa RDC buvuga ko buri mu myiteguro yo kwirukana uyu mutwe ku butaka bw’igihugu cyabo.
Ariko kandi muburasirazuba bw’ikigihugu hakomeje kwikangwa intambara ikomeye hagati y’umutwe wa M23 na FARDC, bamwe mu batuye i Masisi na Rutshuru basabye ubufasha ngo bakurwe mu menyo ya Wazalendo, Mai Mai, NYATURA na FDLR.
Maze aba baturage basaba Colonel Kabundi wivugiye ko azamanuka nk’imvura gushyira mu bikorwa ibyo yivugiye, agatabara.
