Gen Major Ilondo Efondo, yagejejwe imbere y’ubutungane nimugihe aregwa kunyuruza imitungo ya gisirikare.
Yanditswe na: Bruce Bahanda, kw’itariki 02/08/2023, saa 2:55pm, kumasaha ya Bukavu na Minembwe.
Umusirikare wo mungabo za FARDC ufite ipeti rya General, kuruyu wa Gatatu, yagejejwe imbere y’ubutungane. Bwana Gen Major Ilondo Efondo Hugo, yahoze ayobora ingabo zomuri 14ème brigade, uyu musirikare akurikiranweho, icaha cyo kunyereza imodoka yo mu bwoko bwa K-RAZ yomuri brigade ya 17, ni brigade ifite icyicaro mu Ntara ya Congo Central .
Umucamanza ukuriye urukiko rwa gisirikare yagize ati “Wewe General Major Ilondo Efondo Hugo wahoze ayobora brigade ya 14 mu ngabo za Repubulika ya Demokarasi ya Congo, ufatanije na Colonel Kimpembi Ndongala, Capt. Mwenyemali, Capt. Pakulu Anda Jean ndetse na Adjudant Mbula Saïdi, kuba mwaranyereje imodoka ya gisirikare yo mu bwoko bwa K-RAZ yomuri brigade ya 17, mwayibye mu mwaka wa 2022, ngo itware ibicuruzwa by’umuyobozi runaka ku muhanda wa Kinshasa, Kamba, Kinzau, mu ntara ya Kongo Central.”
Umucamanza yakomeje agaragaza ko iyi modoka yanagonze izindi modoka ebyiri, bityo hapfa abantu benshi ndetse n’abandi barakomereka ku muhanda w’igihugu numero ya mbere homuri Komine ya Mfuma-Mfuma.
Urukiko rwashakaga kumenya niba hari abatangabuhamya, rwasanze abagizwe ingaruka n’impanuka ari ababuranyi. Rwahise rero rwimurira iburanisha ku wa Mbere, itariki ya07/08/2023, kugirango abanyamategeko bashobore kubanza kwiga amadosiye yaba banyacaha.
Iyi ninkuru Minembwe Capital News, ikesha ikinyamakuru cya Politico.CD.
