Hari ibindi bya vuzwe kuri Christian Malanga Musumari washatse guhirika ubutegetsi bwa perezida Félix Tshisekedi, bikamuviramo urupfu.
Christian Malanga Musumari wayoboye igitero cyagerageje gushiraho iherezo ryanyuma ubutegetsi bwa Kinshasa, ni umunyekongo wavutse ku itariki ya 2/02/1983, yavukiye i Kinshasa mu murwa mukuru w’iki gihugu cya Repubulika ya demokarasi ya Congo.
Yaje kuva i Kinshasa yimukira muri leta Zunze Ubumwe z’Amerika, agaruka muri RDC mu 2006 ari nabwo yinjiraga mu gisirikare.
Amakuru ye avuga ko mu gisirikare cya Congo yakivuyemo afite ipeti rya Captain, ashaka kwiyamamariza umwanya w’ubudepite mu 2011, ariko afungwa atarabigeraho, aciye mu ishyaka rya PCU ( parti congolais uni) yari yashinze.
Nyuma y’uko afunguwe mu 2012, yahise asubira muri Leta Zunze Ubumwe z’Amerika aho yabanaga n’umuryango we, gusa ajyana umwivovoto kuko yabujijwe kwiyamamaza.
Tariki ya 17/05/2017, Malanga yashinze Guverinoma yo mu buhungiro ayita Nouveau Zaïre, ayishingira i Bruxelles mu Bubiligi.
Ntabwo yari aheruka kugaragara muri politiki kuko yari asigaye ari mubucuruzi bw’amabuye y’agaciro afatanije n’Abanyamerika muri Mozambique.
Byavuzwe ko igitero cyagabwe cyari kirimo n’umwana we. Malanga Musumari yishwe n’igisirikare cya FARDC mu gitondo cyo kuri iki Cyumweru; hari muri icyo gitero yari ayoboye.
Umuvugizi w’igisirikare cya RDC, yatangaje ko abageragereje guhirika ubutegetsi bwa perezida Félix Tshisekedi, ko bafashwe mpiri, kandi yemeza ko cyarimo n’abanyamahanga.
MCN.
