Ku mugoroba wo ku wa Mbere, ejo hashize, i Kanyabayonga habaye urugamba rukomeye rwahuzaga ihuriro ry’Ingabo za leta ya Kinshasa na M23 igamije gushiraho iherezo ryanyuma ubutegetsi bwa perezida Felix Tshilombo.
Ni imirwano yaberaga mu duce turi mu birometero nka cumi uvuye muri centre ya Kanyabayonga ho muri teritwari ya Rutshuru ndetse ikaba ifite n’agace ku butaka gakora muri teritwari ya Lubero, mu Ntara ya Kivu y’Amajyarugu.
Amasoko dukesha iy’inkuru avuga ko uru rugamba ko rwatangije n’ihuriro ry’ingabo za leta ya Perezida Felix Tshilombo, ndetse ko iri huriro ryagabye ibitero mu birindiro bya M23 biri ahitwa Butalongola na Kilambo.
Nk’uko ay’amakuru avuga n’uko ibi bitero Ingabo za leta za bikoze mu rwego rwo kugira ngo zihashye M23, ni mu gihe uyu mutwe ugoteye iri huriro ry’ingabo za RDC muri Kanyabayonga. Bityo zikaba zari zishaka kwirukana M23 mu nkengero ziyi centre.
Amakuru yibanze avuga ko M23 ifite inkengero za Kanyabayonga usibye umuhanda umwe uhuza Kaïna na Butembo niwo ugenzurwa n’Ingabo za SADC zirwanirira leta ya Tshisekedi.
Ku rundi ruhande amakuru ava i Kanyabayonga yatanzwe n’abasirikare ba FARDC avuga ko muri iyi mirwano yabereye mu nkengero za Centre ya Kanyabayonga ku mugoroba wo kuri uyu wa Mbere ko muri uyu mujyi muto ariko ufatwa nk’ingenzi hatewe ibisasu biremereye kandi ko byarashwe na M23.
Ay’amakuru akomeza avuga ko ibyo bisasu byagize icyo byangiriza harimo ko hari n’abantu bya komerekeje.
Kandi banasobanura ko ibyo bisasu ko byaguye neza muri Quartier ya Buhundu yo muri Kanyabayonga.
Gusa ntacyo ubuyobozi bwa M23 buragira icyo buvuga kuri ibyo birego bashinjwa n’igisirikare cya Repubulika ya demokarasi ya Congo kirwanira muri Kanyabayonga.
Tubibutsa ko iyi mirwano ihanganishije M23 n’ihuriro ry’Ingabo zirwana ku ruhande rwa leta ya Kinshasa ikomeje kubera i Kanyabayonga imaze igihe kirenga iminsi icumi nibiri. Kugeza ubu M23 iracyagenzura inkengero z’iyi centre usibye uwo muhanda umwe twavuze haruguru, mu gihe abarwana ku ruhande rwa leta nabo bakiri muri centre ya Kanyabayonga.
MCN.
