Havuzwe ibyangirijwe n’imirwano ikomeje kubera muri teritware ya Mwenga.
Ni imirwano ihanganishije imitwe y’itwaje imbunda ibiri ya Maï Maï, umwe uyobowe na Ruma undi nawo ukaba urebwa na komanda Kitwamaga, intambara ishamiranije izi mpande zombi niyo yatumye abaturage benshi bahunga n’imihana iratwikwa, nk’uko byavuzwe mu butumwa bw’amajwi MCN yahawe.
Agace kari kuberamo iyi mirwano yasubiranishijemo impande z’ibiri za Maï Maï, ni akitwa Muhuzi, gaherereye muri Grupema ya Kihogo ko muri Chefferie ya Lwindi, Secteur ya Itombwe, muri teritware ya Mwenga, intara ya Kivu y’Amajy’epfo.
Amakuru avuga kuri iyi mirwano avuga ko impande zombi zatangiye guhangana mu mpera z’iki Cyumweru dusoje, ndetse akavuga kandi ko izi mpande zombi ko zapfuye ubuyobozi, ni mu gihe buri ruhande rushaka kuba arirwo ruyobora aka gace ka Muhuzi.
Mu butumwa bwo bw’amajwi bwashizwe hanze buvuga ko iyi mirwano yangirije byinshi harimo ko harabantu bayiburiyemo ubuzima abandi bagakomeraka, udasize ko n’imihana yasenywe kandi ahanini iyi Mihana ikaba yaragiye itwikwa n’izi mpande zihanganye zipfa ubuyobozi.
Mu mashusho yo yagiye hanze, agaragaza abarimo abana bato n’abagore bahungiye ahantu mu bihuru, anagaragaza kandi ko abahunze bakikijwe n’imizigo myinshi ubona ko baremererewe.
Muri ubwo butumwa bw’amajwi kandi bwumvikanamo uwarimo atabaza aho yavugaga m’ururimi rw’igipfulero agira ati: “Intambara yakomeye hano i Muhuzi, imihana yahiye, ndetse n’imirima bayiranduye.”
Yakomeje agira ati: “Abazi gusenga musenge naho ubundi ho byakomeye. Kandi abari kurwana ni abavukana. Hararwana Maï Maï yo kwa Kitwamaga na Ruma.”
Si ubwa mbere abarwanyi ba Maï Maï basubiranyemo, kuko ibi bihora biba muri iki gihugu cya Repubulika ya demokarasi ya Congo, kandi mu gihe bibaye usanga ari ntakindi bapfa usibye ubuyobozi.
MCN.
