I Mulenge: Herekanwe imbunda iheruka gufatwa ibabaza Wazalendo.
Imbunda yo mu bwoko bwa Mashin Gun zo mu bwoko bushya, iyo Twirwaneho iheruka kwambura ihuriro ry’imitwe yitwaje intwaro yibumbiye mu ciswe Wazalendo, mu gitero iri huriro risanzwe rifatikanya n’Ingabo za Congo kurwanya umutwe wa M23 n’uwa Twirwaneho, herekanwe ifoto yayo, aho yarifitwe n’umukomanda wo muri uyu mutwe wa Twirwaneho.
Ni mu butumwa bw’amashusho Minembwe Capital News yahawe n’abamwe mu barwanyi b’uyu mutwe wa Twirwaneho baherereye mu Rurambo aho bafatiye iyi mbunda mu gitero bari bagabweho na Wazalendo.
Ubutumwa baduhaye buherekeza ifoto igaragaza iriya mbunda bugira buti: “Iki gikoresho n’icyo twafashe mu gitero twakubwiraga giheruka kutugabwaho.”
Ubutumwa bwabo bukomeza bugira buti: “Iyi twayifashe bitatugoye. Igitangaje yarimo irasishwa n’umukomanda wari uyoboye icyo gitero, yanagikomerekeyemo, ariko yaje kugwa mu bitaro.”
Ifoto yerekana iyi mbunda igaragaza umukomando wo muri Twirwaneho ayikandagijeho ukuguru kwe kw’ibumuso.
Mu byumweru bitatu bishize ni bwo aha mu Rurambo, Wazalendo bahagabye igitero, bikarangira Twirwaneho yakigabweho ibambuye iriya ntwaro iri muzikaze ku ntambara yo k’ubutaka, ndetse kandi ikibaheramo n’isomo rikomeye, kuko kuva icyo gihe nta kindi gitero kirongera kugabwa muri aka gace, mu gihe mbere yabwo ibitero bya Wazalendo byakagabwamo byari umusubirizo.
Nyuma y’ifatwa ry’iyi ntwaro, amakuru avuga ko Wazalendo bahise bata ibirindiro byabo bitatu bahungira mu mashyamba ari mu ntera ndende uvuye muri iki gice cya Rurambo. Ibirindiro bataye hari ibyari mu Majaga, Nyankware n’ibyari ahitwa Mumazi.
Hejuru y’ibyo, umukomando wari uyoboye iki gitero cya fatiwemo iriya ntwaro iri muzikomeye ya Mashin Gun, General Rukemata yakirasiwemo, azagupfira mu bitaro by’i Lemera yari yajanwemo kuvurirwamo.
Si jenerali Rukemata wapfuye wenyine muri icyo gitero, ahubwo mbere yuko araswa hari habanje kuraswa abarwanyi be benshi barapfa, barimo n’abamurindaga.
Mugusoza iyi nkuru, turabibutsa ko iyi mbunda yafatiwe ku musozi wa Majaga, nk’uko twari twabivuze mu nkuru ya mbere itaragagaje ifoto y’iyi ntwaro.
